Культура1212

На Славянскім базары выступіць адна артыстка з Украіны. Чаму ў Ані Лорак такая пазіцыя?

Сёлетні Славянскі базар стракаціць імёнамі рускіх і беларускіх артыстаў, але сярод анансаваных у праграме ёсць і адно імя прадстаўніка Украіны — на фестываль у Віцебску з сольным канцэртам прыедзе спявачка Ані Лорак.

Ані Лорак. Фота: @anilorak

Ані Лорак (Караліна Куек) паходзіць з украінскага горада Кіцмань Чарнавіцкай вобласці. Яна ў свой час стала самай маладой заслужанай артысткай Украіны, прадстаўляла родную краіну на Еўрабачанні-2008, здабыўшы другое месца з песняй Shady Lady.

Пасля пачатку поўнамаштабнай вайны ва Украіне Лорак прадоўжыла выступаць у Расіі, напрамую не асудзіўшы ўварванне, за што стабільна атрымлівае порцыю крытыкі ад землякоў.

У сакавіку 2023 пад хваляй хейту спявачка была вымушаная перарваць маўчанне і патлумачыць сваю пазіцыю больш шырока. У сваім інстаграме яна распавяла, што яшчэ пасля 2014 года ўкраінскае кіраўніцтва, па яе словах, выставіла ёй «непрымальны ўльтыматум», які падштурхнуў яе да канчатковага пераезду ў Расію.

«У 2014 годзе некаторыя палітычныя дзеячы ва Украіне хацелі выкарыстаць мяне ў сваіх мэтах, з чым я не магла пагадзіцца. У выніку я апынулася ў вельмі нязручнай сітуацыі і сутыкнулася з негатыўнымі наступствамі ў сваім жыцці, пра якія ведае толькі маё блізкае атачэнне. Мне прапанавалі толькі два варыянты: «Або ты гуляеш у нашу гульню, робячы тое, што мы табе кажам, або ты не будзеш спяваць у гэтай краіне».

Ультыматум урада маёй уласнай краіны, які прыціснуў мяне да сцяны, стаў тым пераломным момантам, які падштурхнуў мяне да пераезду ў Расію, дзе я была прынятая і працягвала расці як артыст, атрымліваючы прызнанне па ўсім свеце. Не зважаючы ні на што, Украіна заўсёды ў маім сэрцы»,

напісала Лорак, дадаўшы, што яна — артыстка, а не палітык, які не падтрымлівае ніякіх форм гвалту і лічыць, што толькі «каханне і музыка могуць аб’яднаць».

У 2023 годзе спявачка была на мяжы забароны канцэртаў у Расіі пасля плётак, якія сцвярджалі, што Лорак дапамагла сабраць грошы на патрэбы ўкраінскай арміі. Спявачка гэты факт аспрэчвала, патлумачыўшы, што займаецца толькі адраснай гуманітарнай дапамогай канкрэтным сем'ям пацярпелых:

«Мой брат загінуў у Афганістане, калі мне было дзевяць гадоў. Я таму нічога не буду перадаваць на вайсковыя патрэбы ніколі. Я хачу быць падалей ад гэтага».

Ва Украіне супраць Лорак цяпер уведзеныя санкцыі.

Лорак у мюзікле «Вечары на хутары блізу Дзіканькі»

Лорак часта бывае ў Беларусі. Так, яна была спецыяльным зорным госцем на шоу «Фактар.BY». Абмінаючы тэму палітыкі і тут, спявачка адзначае, што ў Беларусі адчувае «ветлівасць, гасціннасць і ментальнае сваяцтва».

«Славянскі базар» пройдзе ў Віцебску з 9 па 15 ліпеня. На ім выступяць Алег Газманаў, Вікторыя Алешка, Зара, Любоў Успенская, Тэа, група «На-на», праект «Гаршанёў», Дзім Дзімыч і іншыя.

Каментары12

  • Ваўкалак
    18.06.2024
    Грошы ня пахнуць. Так, спадарыня Куёк?
  • Спадар
    18.06.2024
    Нармальны чалавек такое не наведвае ---- толькі вата. Асабліва у гэты час...
  • 18.06.2024
    Ну хай сабе ўлады яе пакрыўдзілі . Зразумела.
    Але зарабляць гроші на адныей пляцоўцы, разам з істотамі якія жадаюць знішчыць тваю Радзіму ?
    Толькі грошы.

Цяпер чытаюць

Ціханоўская пра мужа: Увесь ягоны свет перакулены22

Ціханоўская пра мужа: Увесь ягоны свет перакулены

Усе навіны →
Усе навіны

«Калісьці я кіраваў аддзелам пад 40 чалавек». Цімлід не знайшоў працу ў Польшчы і ўладкаваўся касірам12

«Беларускія Мальдывы» стануць помнікам прыроды. Чым унікальныя затопленыя Ваўкавыскія кар’еры4

«Чорная жамчужына» сушыць вёслы»: тыкток у захапленні ад вялізнага фрэгата, які пабудаваў пенсіянер у Пінску ў сваім агародзе6

Беларус вырасціў гіганцкі перац — памерам з электрачайнік1

«Ніякіх забароненых месцаў не існуе». Келаг кажа, што Трамп дазволіў Украіне наносіць дальнабойныя ўдары24

«Хлопцы гралі на гітары Ляпіса Трубяцкога». Як беларусы арганізаваліся, каб сустрэць нечакана вызваленых палітвязняў4

На выбарах у Малдове перамагла праеўрапейская партыя прэзідэнта Санду, прарасійская апазіцыя прайграла9

Таямніцы Мінскага замчышча: недабудаваны храм, які ставіць у тупік навукоўцаў, і маладая князёўна з касой і кветкавым вянком1

У ЗША 18‑гадовы зумер зарабіў $30 мільёнаў на дадатку, які лічыць калорыі па фота ежы

больш чытаных навін
больш лайканых навін

Ціханоўская пра мужа: Увесь ягоны свет перакулены22

Ціханоўская пра мужа: Увесь ягоны свет перакулены

Галоўнае
Усе навіны →

Заўвага:

 

 

 

 

Закрыць Паведаміць