Швецыя спрасціла працэдуры легалізацыі і змяніла ацэнку Беларусі
Святлана Ціханоўская здзейсніла візіт у Швецыю, адной з падзеяў Стала сустрэча беларускай дэмакратычнай лідаркі з міністрам замежных справаў Тобіясам Більстромам.
У сустрэчы таксама ўдзельнічала спецпасланніца Швецыі па працы з дэмакратычнымі сіламі і былая амбасадарка ў Беларусі Крысціна Ёханесан, паведамляе прэс-служба Святланы Ціханоўскай.
Ціханоўская падзякавала міністру за запуск працэдураў па спрашчэнні працэдуры легалізацыі для беларусаў і беларусак: цяпер можна атрымаць шведскія дакументы з пратэрмінаваным пашпартам.
Таксама Швецыя змяніла ацэнку Беларусі — наша краіна больш не лічыцца бяспечнай. Раней гэта служыла прычынай для адмоваў беларусам і беларускам у легалізацыі.
Акрамя таго, палітыкі абмеркавалі супольныя мерапрыемствы падчас генасамблеі ААН і міністэрскай сустрэчы Паўночна-Балтыйскай васьмёркі.
Святлана Ціханоўская заклікала міністра прапанаваць іншым краінам далучыцца да Міжнароднага гуманітарнага фонду ў падтрымку палітвязняў, які быў створаны ў Нарвегіі.
Асобна на сустрэчы ўздымалася пытанне падтрымкі беларускай грамадзянскай супольнасці: павелічэнне стыпендыяў, падтрымка для медыя і культурніцкіх ініцыятываў, праграмы для моладзі і арганізацыя курсаў па дзяржаўным кіраванні і дыпламатыі для прадстаўнікоў дэмакратычных сілаў.
Цяпер чытаюць
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары
ліхаманка трасе ад Зянона .
Вот твой лукашэнка не врот,
такі ж ты Пітон ідыёт !