«Тутэйшы парніковы народзец наіўны». Закрыўся канал прарасійскага палітолага
Тэлеграм-канал «Западнорусская Атлантида» прасоўваў ідэі інтэграцыі і заходнерусізму. Але цяпер яго прыкрылі.
«Дарагія сябры, канал «Западнорусская Атлантида» спыніў сваё існаванне. Пра прычыны распаўсюджвацца не хачу, думаю, усё і так ясна»,
— з'явілася паведамленне. Што гэта за прычыны, не ўдакладняецца.
Канал быў створаны ў 2020-м. Лічыцца, што вёў яго прарасійскі палітолаг Усевалад Шымаў, які выступае за інтэграцыю з Расіяй і настроены супраць Еўропы і ЗША. Шымаў падзяляе ідэі заходнерусізму (заходнерусісты лічаць Беларусь не самастойнай краінай, а рэгіянальнай часткай Расіі, а саміх беларусаў — адгалінаваннем рускага этнасу).
«Тутэйшы парніковы народзец наіўны, інфантыльны і напалоханы, што 2020 год прадэманстраваў ва ўсёй красе», — пісаў аўтар канала.
«Такія «маёнткі», аграсядзібы і інш. — гэта зусім не нявінныя турыстычныя аб'екты, а інструменты той самай мяккай сілы. І раз яны праводзяць напалеонаўскія вечары і шляхецкія балі, то, думаю, цалкам зразумела, чыя гэта мяккая сіла і на што яна працуе», — бачыў ён «руку Захаду» ў некаторых забаўляльных праграмах.
Шымаў рэгулярна рэпосціў паведамленні Рускага дома ў Мінску, адыёзнага расійскага гісторыка Аляксандра Дзюкава.
Цікава, што яго закрыццю радуюцца ў тым ліку некаторыя прыхільнікі рэжыму.
«Якая цудоўная добрая раніца!» — напісала рэжысёрка АНТ Наталля Ждановіч.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары