«Шміт у адпачынку да 10 мая». Ваяводскі суд Варшавы пракаментаваў уцёкі суддзі ў Беларусь
Ваяводскі адміністрацыйны суд Варшавы, у якім працаваў суддзя Томаш Шміт, які ўцёк у Беларусь, апублікаваў з гэтай нагоды заяву.
У судзе адзначылі, што Шміт знаходзіцца ў адпачынку, і іншай інфармацыі ў іх няма.
«У сувязі з сённяшнімі паведамленнямі СМІ пра суддзю Ваяводскага адміністрацыйнага суда ў Варшаве Томаша Шміта ласкава паведамляю, што суддзя Томаш Шміт знаходзіцца ў адпачынку з 22 красавіка 2024 года да 10 мая 2024 года», — цытуе заяву суда dorzeczy.pl.
Старшыня суда падкрэсліў, што пакуль не атрымліваў ад суддзі інфармацыі пра сваю адстаўку з пасады. Больш за тое, суду невядомыя якія-небудзь падрабязнасці, акрамя тых, якія паведамляюць СМІ.
Шміт 6 траўня даў прэс-канферэнцыю ў Мінску. Ён заявіў, што просіць у Беларусі палітычнага прытулку і падае заяву аб адстаўцы з пасады суддзі.
«Здраднік і падлюга». Дарадца прэзідэнта Польшчы — пра суддзю Шміта, які збег у Беларусь
Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
«Абсалютна шакуючы выпадак». Кіраўнік МЗС Польшчы пракаментаваў намер польскага суддзі прасіць палітычны прытулак у Беларусі
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі35
Каментары