«Абсалютна шакуючы выпадак». Кіраўнік МЗС Польшчы пракаментаваў намер польскага суддзі прасіць палітычны прытулак у Беларусі
Кіраўнік МЗС Польшчы Радаслаў Сікорскі заявіў, што шакаваны інфармацыяй пра намер польскага суддзі Томаша Шміта прасіць палітычны прытулак у Беларусі.
Міністр замежных спраў Польшчы Радаслаў Сікорскі. Фота: Maxym Marusenko / NurPhoto via Getty Images
— Я не магу гэта каментаваць. Гэта абсалютна шакуючы выпадак, — сказаў Радаслаў Сікорскі пра сітуацыю з Томашам Шмітам.
Кіраўнік польскай дыпламатыі прызнаўся, што пакуль мала ведае пра справу, бо даведаўся пра яе падчас размовы з журналістамі.
— Я ў шоку, калі шчыра. У нас некалі ўжо быў здраднік, і, здаецца, гэта падобны выпадак, — дадаў ён
Сёння польскі суддзя Томаш Шміт абвясціў, што просіць абароны ў беларускіх уладаў.
Цяпер чытаюць
Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні3
Каментары