Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
Беларускія дзяржСМІ распавядаюць, што Томаш Шміт «цярпеў у Польшчы за сваю пазіцыю». Паглядзелі, за што.
Томаш Шміт усё жыццё прапрацаваў суддзёй. Цяпер яму 54 гады.
Да прыезду ў Беларусь Шміт адзначыўся ўдзелам у скандале. Ён уваходзіў у суполку суддзяў, звязаных з тагачасным намеснікам міністра юстыцыі Польшчы Лукашом Пебяком. Апошні знаходзіў кампрамат на нелаяльных суддзяў, а таксама іх асабістыя звесткі.
Пасля ўсё злівалася ў адкрыты доступ. Адбывалася гэта, мяркуючы па публікацыях у сацсетках, у 2018-2019-х.
У якасці непасрэднага выканаўцы выступала Эмілія Шміт пад мянушкай Mała Emi, жонка Томаша Шміта. Адметна, што спачатку ён паспрабаваў ад яе адхрысціцца — называў алкагалічкай ды лайдачкай. Сцвярджаў, што нічога не ведае, сцвярджаў, што праз п'янства ў яе здарыўся выкідыш (на той момант жонка сышла ад яго да іншага суддзі-зліўшчыка).
Але ў 2022-м, калі запахла смажаным, прызнаў сваю датычнасць да скандалу. Каб адбяліцца, пагутарыў са СМІ, дзе бясконца блытана выбачаўся. Напрыклад, у адным з матэрыялаў Томаш сцвярджаў:
«Калі хтосьці вядзе суполку, скажам, у WhatsApp, у яго ёсць магчымасць дадаваць удзельнікаў. Вядома, вы можаце самі выйсці з гэтай суполкі. Але мяне так уключалі, рашэнне было прынята зверху ўніз. Калі б хто-небудзь захацеў выйсці, гэта выклікала б праблемы».
У польскіх медыя пра Шміта даўно нічога не чуваць, але скандал дэ-факта паставіў крыж на ягонай кар'еры. Ён нікуды не прасунуўся па службе, а нейкі час увогуле быў адхілены ад працы.
Насамрэч, Шміту пашчасціла жыць у Польшчы. У Беларусі яго б, імаверна, пасадзілі за краты.
«Наша Нiва» — бастыён беларушчыны
ПАДТРЫМАЦЬЦяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары