Кіроўца суткі прастаяў на польска-беларускай мяжы, а пасля яго не пусцілі ў краіну з-за незвычайнага грузу
Каталіцкі вернік вёз з сабой пацеры для малітвы, якія, як выявілася, неабходна дэклараваць, стала вядома Katolik.life.
Пра тое, што ва ўездзе ў Беларусь з Польшчы было адмоўлена аднаму з каталіцкіх вернікаў з прычыны наяўнасці прадметаў для малітвы, Katolik.life стала вядома некалькі дзён таму.
Вернік, імя якога і род дзейнасці не называецца з меркаванняў бяспекі, шмат гадзін прастаяў у чарзе, а затым на беларускім баку ягоны аўтамабіль адправілі на рэнтген — пасля таго, як знайшлі больш за сто пацераў для малітвы і палічылі спробу іх увозу парушэннем закона. Усяго кіроўца правёў на мяжы каля сутак, пасля чаго вымушаны быў вярнуцца ў Польшчу.
Каталікі выкарыстоўваюць пацеры ў асноўным для малітвы Ружанца — гэта адна з самых частых малітваў у каталіцкіх вернікаў. Такія пацеры звычайна зробленыя з пластыку або дрэва і не маюць матэрыяльнай каштоўнасці. У Беларусі пацеры масава не вырабляюцца, таму іх прывозяць з-за мяжы.
Вернік, пра якога ідзе гаворка, вёз пацеры для ўдзельнікаў малітоўнага мерапрыемства, якое запланавана сёлета. Але, як заявілі кіроўцу супрацоўнікі мытні, завезці ў Беларусь ён можа толькі 10 пацераў — такая колькасць аднолькавых прадметаў дапускаецца да ўвозу. Паколькі астатнія аказаліся «лішнімі» і не былі задэклараваныя, кіроўцу вярнулі ў Польшчу.
Наступным разам яму давялося заязджаць без пацераў, а ў будучыні пры жаданні завезці іх у колькасці больш за 10 неабходна будзе дэклараваць тавар.
На гэтым тыдні пачынаецца суд над каталіцкай актывісткай Аксанай Ючкавіч
«Радыё Марыя ў Беларусі» можа страціць памяшканне, таму просіць пра дапамогу
«Для Гродзенскай дыяцэзіі гэта рэкорд па беларусізацыі». Што вядома пра новапрызначанага біскупа Гуляя
Папа прызначыў у Беларусі новага біскупа. У Гродзенскай дыяцэзіі чакаюцца перамены?
Цяпер чытаюць
Дрон прыляцеў у пасажырскі аўтобус на мяжы Расіі і Беларусі14
Каментары