Блінкен асабіста ляціць у Кітай з «апошнім кітайскім» наконт паставак Расіі
Дзяржсакратар ЗША Энтані Блінкен асабіста папярэдзіць Кітай пра пагрозу санкцый праз пастаўкі ў Расію.
ЗША гатовыя ўвесці санкцыі, у выпадку калі Пекін працягне пастаўляць у Расію тэхналогіі падвойнага прызначэння — пра гэта дзяржсакратар ЗША Энтані Блінкен збіраецца асабіста папярэдзіць кітайскіх чыноўнікаў, піша BBC са спасылкаю на FT.
Візіт Блінкена ў Кітай адбудзецца 24-26 красавіка. Паводле звестак СМІ, дзяржсакратар павінен будзе данесці, што ЗША і іх саюзнікі становяцца ўсё больш нецярпімымі да падтрымкі расійскай вайсковай машыны Пекінам, які пастаўляе ў Расію ўсё — ад чыпаў да рухавікоў для крылатых ракет.
Блінкен не плануе раскрываць, якія меры распачнуць ЗША, піша FT. Аднак, па даных крыніц выдання, Вашынгтон разглядае магчымасць увядзення санкцый у дачыненні да кітайскіх фінансавых устаноў і іншых арганізацый.
Адзін з суразмоўцаў FT сказаў, што цяперашняе пасланне Блінкена будзе «самым выразным папярэджаннем, якое ЗША калі-небудзь перадавалі асабіста кітайскім чыноўнікам».
Намеснік дзяржсакратара Курт Кэмпбэл растлумачыў, што, на думку ЗША і іх саюзнікаў, Кітай падрывае еўрапейскую бяспеку, пастаўляючы Расіі тэхналогіі падвойнага прызначэння і адначасова спрабуючы развіваць больш цесныя эканамічныя і палітычныя сувязі з Еўропай.
Кэмпбэл заявіў, што ЗША «вельмі адкрыта» выказваюць свае асцярогі, і Блінкен падыме гэтае пытанне ў гутарцы з міністрам замежных спраў Кітая Ван І.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары
Тьфу ! Сорамна глядзець.
Можа Трамп верне ЗША светавую павагу?