У Варшаве адкрываецца першая кавярня праекту Аляксандра Аўдзевіча «Інклюзіўны барыста»
7 красавіка ў Варшаве распачынае працу першая кавярня праекту беларускага сацыяльнага прадпрымальніка і актывіста Аляксандра Аўдзевіча «Інклюзіўны барыста», піша «Белсат».
Кавярня размесціцца па адрасе: Stefana Okrzei, 8. На яе базе будзе таксама створаная прастора крэатыўнага ўзаемадзеяння людзей з дадатковымі патрэбамі і людзей без інваліднасці.
Увесь персанал у кавярні, як і ва ўсіх установах праекту «Інклюзіўны барыста» — людзі з інваліднасцю.
Першыя кавярні «Інклюзіўны барыста» Аляксандр Аўдзевіч адкрыў у беларускіх гарадах — Лідзе, Мінску, Брэсце, Магілёве. Аднак пасля 2020 года Аўдзевіч быў вымушаны з’ехаць з Беларусі, каб пазбегнуць рэпрэсіяў.
У Варшаве ў рамках праекту беларуса ў 2022—2023 гадах працавала школа «Інклюзіўны барыста», у якой 10 людзей з інваліднасцю атрымалі прафесію барысты. У 2023 годзе таксама ў Варшаве прайшлі два фестывалі Inclusive Barista Coffee Festival, падчас якога прафесіі барысты навучыліся 30 людзей з інваліднасцю.
Па спасылцы — праграма адкрыцця першай кавярні «Інклюзіўны барыста» у Варшаве.
Аляксандр Аўдзевіч з 2011 года мае інваліднасць, таму карыстаецца вазком. Тым не менш, на ровары з ручным прывадам ён аб’ехаў паў-Еўропы.
Фатаграфія з «інклюзіўнымі барыстамі» выпадкова знайшлася ў базыліцы святога Пятра ў Ватыкане
Як вазочнік Аўдзевіч выпрабоўваў сваю дзяўчыну Канарамі і зрабіў ёй прапанову ў Парыжы
«Мне здавалася, што мэр горада — гэта суперпрашараны чувак. Але ён аказаўся калгаснікам». Аўдзевіч — пра тролінг уладаў
Саша Аўдзевіч — аб пратэсце вазочнікаў супраць Лукашэнкі, пра Ціханоўскую, сэкс пасля трагедыі і жыццё з каханай у палатцы
«Бо ў Беларусі — жэсць». Калясачнік перабраўся на Канары і будуе там сабе дом
Праз дзевяць месяцаў пасля вызвалення памёр палітвязень Валерый Богдан7
Каментары