U Varšavie adkryvajecca pieršaja kaviarnia prajektu Alaksandra Aŭdzieviča «Inkluziŭny barysta»
7 krasavika ŭ Varšavie raspačynaje pracu pieršaja kaviarnia prajektu biełaruskaha sacyjalnaha pradprymalnika i aktyvista Alaksandra Aŭdzieviča «Inkluziŭny barysta», piša «Biełsat».
Kaviarnia raźmieścicca pa adrasie: Stefana Okrzei, 8. Na jaje bazie budzie taksama stvoranaja prastora kreatyŭnaha ŭzajemadziejańnia ludziej z dadatkovymi patrebami i ludziej bieź invalidnaści.
Uvieś piersanał u kaviarni, jak i va ŭsich ustanovach prajektu «Inkluziŭny barysta» — ludzi ź invalidnaściu.
Pieršyja kaviarni «Inkluziŭny barysta» Alaksandr Aŭdzievič adkryŭ u biełaruskich haradach — Lidzie, Minsku, Breście, Mahilovie. Adnak paśla 2020 hoda Aŭdzievič byŭ vymušany źjechać ź Biełarusi, kab paźbiehnuć represijaŭ.
U Varšavie ŭ ramkach prajektu biełarusa ŭ 2022—2023 hadach pracavała škoła «Inkluziŭny barysta», u jakoj 10 ludziej ź invalidnaściu atrymali prafiesiju barysty. U 2023 hodzie taksama ŭ Varšavie prajšli dva fiestyvali Inclusive Barista Coffee Festival, padčas jakoha prafiesii barysty navučylisia 30 ludziej ź invalidnaściu.
Pa spasyłcy — prahrama adkryćcia pieršaj kaviarni «Inkluziŭny barysta» u Varšavie.
Alaksandr Aŭdzievič z 2011 hoda maje invalidnaść, tamu karystajecca vazkom. Tym nie mienš, na rovary z ručnym pryvadam jon abjechaŭ paŭ-Jeŭropy.
Fatahrafija z «inkluziŭnymi barystami» vypadkova znajšłasia ŭ bazylicy śviatoha Piatra ŭ Vatykanie
Jak vazočnik Aŭdzievič vypraboŭvaŭ svaju dziaŭčynu Kanarami i zrabiŭ joj prapanovu ŭ Paryžy
«Mnie zdavałasia, što mer horada — heta supierprašarany čuvak. Ale jon akazaŭsia kałhaśnikam». Aŭdzievič — pra trolinh uładaŭ
Saša Aŭdzievič — ab prateście vazočnikaŭ suprać Łukašenki, pra Cichanoŭskuju, seks paśla trahiedyi i žyćcio z kachanaj u pałatcy
«Bo ŭ Biełarusi — žeść». Kalasačnik pierabraŭsia na Kanary i buduje tam sabie dom
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary