Гінеколаг з Гродна стварыла дадатак для жанчын — аналаг сусветна вядомага Flo
Усяго на распрацоўку бясплатнага дадатку ў Галіны Лазуты пайшоў прыблізна год.
Гінеколаг гарадской паліклінікі №3 Галіна Лазута прыдумала дадатак для жанчын. Ён дапаможа кантраляваць здароўе рэпрадуктыўнай сістэмы і забяспечыць пацыентаў надзейнай і дакладнай інфармацыяй пра здароўе, паведамляе тэлеканал Гродна плюс.
Ідэя стварыць такі дадатак узнікла ў доктаркі, бо многія пацыенты не маглі адказаць дакладна на пытанні медыка.
Аўтар — акушэр-гінеколаг з 14-гадовым стажам, увесь свой досвед улічыла ў гэтым праекце. Галіна прааналізавала функцыі, якія могуць спатрэбіцца жанчыне, і сабрала іх у зручнай для выкарыстання форме.
З яго дапамогай у смартфоне можна будзе адсочваць і прагназаваць цыкл і кругі фертыльнасці, што павышае верагоднасць зачацця і дае магчымасць падрыхтавацца да гэтага адказнага кроку.
Тут маецца віртуальная карта для захоўвання даных медыцынскіх абследаванняў (УГД, вынікаў аналізаў і запісаў кансультатыўнага прыёму ў доктара). Смартфон нагадае таксама пра час прыёму лекавых сродкаў, наведвання гінеколага.
Усяго на распрацоўку бясплатнага дадатку пайшоў прыблізна год. З яго дапамогай жанчыны могуць звярнуцца па кансультацыю да акушэра-гінеколага ў рэжыме рэальнага часу.
Ёсць плюсы і для мужчын. Дадатак дазваляе прадастаўляць доступ партнёру, дазваляючы яму бачыць самаадчуванне і настрой жанчыны.
«Я лічу, што ў падтрыманні жаночага здароўя павінен быць тандэм доктара і самой жанчыны, тады ўсё, безумоўна, атрымаецца.
Тры парады сучаснай жанчыне. Гэта здаровы лад жыцця ў рамках харчавання, паменшанае ўжыванне цукру і солі, таксама гэта гігіена сну, не менш за 8 гадзін у суткі. Умацаванне цягліц тазавага дна.
Распрацоўка прадстаўлена на рэспубліканскім конкурсе інавацыйных праектаў. Зараз прапрацоўваецца пытанне максімальнага доступу для шырокай аўдыторыі.
«Набяруць больш студэнтаў, але што рабіць 6-7 гадоў?» Медык пра тое, як улады змагаюцца з недахопам дактароў і што трэба рабіць
У Салігорску ў часе родаў пацярпела немаўля. Маці запісала ў тыктоку скаргу да Лукашэнкі — у радзільню адправілі камісію
«На жаль, такіх жудасных гісторый хапае». Супрацоўніца радзільні пра выпадак з парадзіхай у Салігорску
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай10
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары