57-гадовага чыгуначніка з Брэста асудзілі за «лайкі» ў «Аднакласніках» пад відэа Раманчука
У судзе Маскоўскага раёна Брэста судзілі Генадзя Васілюка паводле ч. 1 арт. 367 (паклёп на Лукашэнку) Крымінальнага кодэкса. Справу разглядала суддзя Іна Клышпач, пракурорам быў Ягор Кронда.
Спачатку 15 верасня Генадзю Васілюку прызначылі штраф за «распаўсюд экстрэмісцкіх матэрыялаў». У Генадзя на старонцы ў «Аднакласніках» знайшлі падпіскі на «экстрэмісцкія» матэрыялы. Акрамя гэтага, Васілюка звольнілі з лакаматыўнага дэпо «па пагадненні бакоў», піша «Вясна».
7 снежня 2023 года Генадзя затрымалі ў межах крымінальнай справы за «паклёп на Лукашэнку» (ч. 1 арт. 367 КК) і змясцілі пад варту ў СІЗА. Справу разглядалі 22 і 26 лютага 2024 года.
Мужчыну абвінавацілі ў тым, што ён 8, 9 і 17 чэрвеня 2022 года паставіў рэакцыю «клас» у сацсетцы «Аднакласнікі» пад трыма відэаролікамі з удзелам эканаміста Яраслава Раманчука.
Генадзь прызнаў віну і паведаміў, што ў названыя дні чэрвеня ён ездзіў у вёску ў Жабінкаўскім раёне, што пацвярджае выпіска ад мабільнага аператара. Мужчына карыстаецца кнопкавым тэлефонам, таму ў вёсцы ён не мог заходзіць у «Аднакласнікі».
Пракурор Ягор Кронда палічыў віну Генадзя цалкам даказанай і запрасіў для яго адзін год і шэсць месяцаў калоніі. Прысуд агучвалі на пасяджэнні 26 лютага, але яго вынік праваабаронцам невядомы.
Цяпер чытаюць
Ігар Тур патраціў мінімум 30 тысяч на прэміяльную кухню ФОТА27
Каментары