Арыштаваны беларускі нафтавы магнат і саўладальнік «Гіпа» Васіль Варфаламееў
Летась стотысячным заробкам топ-менеджара гэтай сеткі абураўся Аляксандр Лукашэнка.
Па інфармацыі «Нашай Нівы», на мінулым тыдні ў СІЗА апынулася адна з цэнтральных фігур беларускага бізнэсу. Затрыманы Васіль Варфаламееў, саўладальнік «Гіпа», «Белмаркета», «Эліз» і іншых кампаній. Сэнс выстаўленых яму прэтэнзій пакуль невядомы.
У пачатку 2023 года Аляксандр Лукашэнка на ўсю краіну абураўся анамальна высокім заробкам кіраўніцтва сеткі «Гіпа».
Па словах кіраўніка Дзяржкантролю Васіля Герасімава, генеральны дырэктар «Гіпа», які знаходзіцца за мяжой, — у сярэднім зарабляў 258 тысяч рублёў на месяц. Гэта каля $100 тысяч.
Чытайце таксама:
ДзяржСМІ апублікавалі памер заробкаў кіраўнікоў прыватных гандлёвых сетак і іх работнікаў
Васіль Варфаламееў у розныя гады ўваходзіў у топ-20 самых уплывовых беларускіх бізнэсменаў у рэйтынгах, якія складалі эканамічныя журналісты.
Гэта сапраўды багаты чалавек, які зрабіў капітал на гандлі нафтапрадуктамі, а потым пачаў укладвацца ў рытэйл і вытворчасць. Самы знакаміты, але наўрад ці самы прыбытковы бізнес Варфаламеева — сетка крамаў «Гіпа».
Развязаная Пуціным і Лукашэнкам вайна таксама пахавала амбіцыйны праект па аднаўленні рачного судаходства паміж Беларуссю і Украінай, які збольшага фінансаваўся з грошай Варфаламеева. Планавалася, што Дняпро паглыбяць, у Ніжніх Жарах узнікне порт з пракладзенай да яго чыгункай, адкуль тавары будуць плыць да ўкраінскіх партоў, а адтуль у Чорнае мора.
Ці на свабодзе іншы саўладальнік «Гіпа» — Алег Бараноўскі, а таксама іншыя менеджары, невядома.
«Наша Нiва» — бастыён беларушчыны
ПАДТРЫМАЦЬ
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары