Уварванне ізраільскіх войскаў у сектар Газа першапачаткова планавалася на выхадныя, але было адкладзена на некалькі дзён — у тым ліку з-за ўмоў надвор'я, якія ўскладнілі б ізраільскім пілотам і аператарам беспілотных лятальных апаратаў прыкрыццё наземных сіл з паветра, піша The New York Times са спасылкай на некалькіх ізраільскіх афіцэраў.
Акрамя пяхоты, у склад ізраільскіх ударных сіл увойдуць танкі, сапёры і спецназ.
Складанасць ўварвання пагаршаецца тым, што ХАМАС, як мяркуюць, утрымлівае многіх ізраільскіх закладнікаў разам з сабой у сваіх падземных бункерах і тунэлях. Ізраільскія ваенныя аналітыкі кажуць, што ХАМАС можа выкарыстоўваць закладнікаў у якасці жывога шчыта.
Чакаецца, што гэты напад стане найбуйнейшай наземнай аперацыяй Ізраіля з моманту яго ўварвання ў Ліван у 2006 годзе. Па словах трох старшых афіцэраў, з якімі гаварыла выданне, гэта таксама была б першая спроба Ізраіля захапіць зямлю і хаця б ненадоўга ўтрымаць яе пасля свайго ўварвання ў Газу ў 2008 годзе.
Аперацыя рызыкуе ўкінуць Ізраіль у шматмесячныя кровапралітныя гарадскія баі, як наземныя, так і ў лабірынце тунэляў — небяспечнае наступленне, якога Ізраіль доўгі час пазбягаў, паколькі яно прадугледжвае вядзенне баявых дзеянняў на вузкім і шчыльна заселеным кавалку зямлі, дзе жыве больш за 2 мільёны чалавек.
Застаецца незразумелым, што Ізраіль зробіць з сектарам Газа, калі захопіць яго, і што менавіта маюць на ўвазе ізраільскія афіцыйныя асобы, калі апісваюць знішчэнне кіраўніцтва ХАМАС.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік28
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары
Мирное решение вполне возможно, правда не в такой этнократии, которую выстраивает Израиль.