ЦАХАЛ: Забіты камандуючы спецназам ХАМАС, які кіраваў нападам на ізраільскія мястэчкі 7 кастрычніка
Алі Кашы адбываў пажыццёвы тэрмін з 2005 года за выкраданні і забойствы, але выйшаў на волю восенню 2011 года.
Ваенна-паветраныя сілы Арміі абароны Ізраіля пры садзейнічанні Агульнай службы бяспекі і Упраўлення ваеннай разведкі знішчылі Алі Кашы — камандуючага спецназам ХАМАС «Нухба», піша newsru.co.il.
Менавіта Алі Кашы асабіста кіраваў сіламі ХАМАС, якія ажыццявілі тэрарыстычны напад на ізраільскія населеныя пункты каля мяжы з сектарам Газа 7 кастрычніка.
Алі Кашы адбываў пажыццёвы тэрмін з 2005 года за выкраданні і забойствы, але выйшаў на волю восенню 2011-га.
Сёння раніцай ЦАХАЛ паведаміў аб ліквідацыі кіраўніка паветраных сіл ХАМАС Мерада Абу Мерада і дзясяткаў баевікоў са спецназа «Нухба».
Абу Мерад, паводле звестак ізраільскіх вайскоўцаў, адказваў за кіраўніцтва баевікамі падчас атакі на Ізраіль.
У выніку ўдараў ізраільскай арміі раней быў забіты «міністр эканомікі» ХАМАС Джавад Абу Шамала, які кіраваў фінансамі групоўкі. Таксама быў знішчаны адзін з высокапастаўленых членаў палесцінскага руху Закарыя Абу Маамар. Апошні быў вядомы як блізкі паплечнік лідара ХАМАС Ях'я аль-Сінвара.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары