У тым ліку за «намаганні Расіі, накіраваныя на спыненне сіянісцкай агрэсіі».
Рух ХАМАС падзякаваў Уладзіміру Пуціну за пазіцыю, якая «адхіляе агрэсію і блакаду Газы», а таксама за «намаганні Расіі, накіраваныя на спыненне сіянісцкай агрэсіі». Пра гэта гаворыцца ў заяве арганізацыі, распаўсюджанай у ноч на 14 кастрычніка, піша «Медуза».
Напярэдадні Пуцін на пасяджэнні Саміту кіраўнікоў краін СНД заявіў, што палесціна-ізраільскі канфлікт павінен быць вырашаны мірнымі перамовамі. А мэтай гэтых перамоваў прэзідэнт РФ назваў «стварэнне незалежнай палесцінскай дзяржавы са сталіцай ва Усходнім Ерусаліме».
Такую ж пазіцыю — аб неабходнасці стварэння незалежнай палесцінскай дзяржавы — Пуцін агучыў у размове з прэзідэнтам Турцыі Эрдаганам у аўторак.
Пастаянны прадстаўнік РФ пры ААН Васіль Нябензя напярэдадні заявіў пра гатоўнасць Расіі да пасярэдніцтва ў канфлікце на Блізкім Усходзе і прадставіў праект рэзалюцыі аб спыненні агню.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск3
Каментары