Цыганкоў: На самай справе формула была такая — «мы сваю краіну ім, беларусам, не аддадзім»
Журналіст Віталь Цыганкоў разважае над тым, ці слушная фраза «Рэжым вядзе вайну з уласным народам».
«Рыхтаваўся да аднаго каментара ў тэлеэфіры, думаў над абвешчанымі тэмамі размовы, і ў галаву прыйшла вядомая фраза «Рэжым вядзе вайну з уласным народам».
І адразу падумалася, наколькі яна не падыходзіць для нашай сітуацыі.
Бо тыя, з кім змагаецца, каго рэпрэсуе сёння Лукашэнка, — гэта для яго не «ўласны народ». Для яго «ўласны народ» — гэта «русские со знаком качества», гэта тыя, для каго, як і для яго, Айчына ад Брэста да Уладзівастока, у каго «Масква ў галаве». А тыя, з кім ён змагаецца, — беларускамоўныя ці рускамоўныя, але арыентаваныя на Беларусь, — для яго варожы народ, «нацмены», як ён часта выказваўся.
Заўважце, нават розныя калягубазікаўскія каналы аддзяляюць, калі пішуць па-руску, «белорусов» ад «беларусов». Усё беларускае яны выкарыстоўваюць у здзеклівай форме — урэшце, Лукашэнка ўсё жыццё гэта рабіў, ужываючы слова «свядомыя». І цяпер яны сапраўды змагаюцца супраць любой праявы беларускасці, раней дазволенай і часам нават афіцыйнай.
Памятаеце, як увесь 2020 год Лукашэнка гаварыў, што «мы сваю краіну ім не аддадзім».
На самай справе формула была такая — «мы сваю краіну ім, беларусам, не аддадзім», — піша Цыганкоў.
Цяпер чытаюць
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?4
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары