Учора дзяржаўныя медыя паказалі, што ў атрад народнага апалчэння ў Старобіне ўзялі дзяўчыну. Яна там адзіная і мусіць займацца медыцынскай дапамогай.
23-гадовая Кацярына Мішкевіч родам з Лельчыцаў — пасёлка ў Гомельскай вобласці на самым поўдні Беларусі за 40 кіламетраў ад мяжы з Украінай.
Паводле звестак «Кіберпартызанаў», бацька дзяўчыны звычайны рабочы, працуе ў асноўным кіроўцам. Маці — старшыня рэвізійнай камісіі ў мясцовым райспажыўтаварыстве.
Дзяўчына пасля 9 класа пайшла вучыцца ў Слуцкі медыцынскі каледж па мэтавым накіраванні. Адвучылася на фельчара-акушэра. Па трохгадовым размеркаванні яе накіравалі ў Слуцкую цэнтральную раённую бальніцу, а адтуль накіравалі ў амбулаторыю ў аграгарадку Велічкавічы. Пасля дзяўчына перавялася ў Старобінскую гарадскую бальніцу.
Мінабароны піша, што ў так званае апалчэнне Кацярына ўступіла ў першы ж дзень, як даведалася пра яго.
«У атрад прыйшла па клічы грамадзянскага абавязку. Мне хочацца дапамагаць нашым мужчынам-апалчэнцам. Я лічу, што народнае апалчэнне — важны кампанент у сістэме нацыянальнай бяспекі нашай дзяржавы. Прызнаюся, насіць ваенную форму пакуль нязвыкла. Я адзіная дзяўчына ў атрадзе, мужчыны пра мяне клапоцяцца, падтрымліваюць, дапамагаюць пераносіць аптэчку», — прыводзіць яе словы тэлеграм-канал Міністэрства абароны.
«Наша Нiва» — бастыён беларушчыны
ПАДТРЫМАЦЬПольшча прызнала Аляксандра Машэнскага непажаданай асобай27
Каментары