Весляроў з Беларусі і Расіі не дапусцілі да чэмпіянату свету ў Германіі
Пра нядопуск беларускіх і расійскіх атлетаў да сусветнага форуму па веславанні на байдарках і каноэ паведаміў галоўны трэнер зборнай Расіі Аляксандр Кастаглод. Абгрунтавалі гэтае рашэнне «немагчымасцю забяспечыць бяспеку спартоўцам».
«Расійскія і беларускія спартоўцы не могуць узяць удзел у гэтых турнірах з прычыны таго, што немцы не могуць гарантаваць бяспеку», — працытаваў ліст арганізатараў Кастаглод.
У чэрвені выканкам Міжнароднай федэрацыі вяслярнага спорту прыняў рашэнне, што беларускія і расійскія спартоўцы ў абмежаванай колькасці змогуць удзельнічаць у чэмпіянатах свету. Асноўная ўмова — не падтрымліваць расійскую агрэсію супраць Украіны.
Але апошняе слова заставалася за арганізатарамі спаборніцтваў, а яны вырашылі ўвогуле не дапускаць расійскіх і беларускіх весляроў да старту.
Чэмпіянат свет па веславанні на байдарках і каноэ пройдзе ў нямецкім Дуйсбургу 23-27 жніўня. Гэтыя спаборніцтвы — адборачныя на Алімпіяду 2024 года.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары