«Я адчувала, што ўсе ненавідзяць мяне праз маю краіну». На пачатку вайны Сабаленка хацела завяршыць кар'еру праз хэйт
Другая ракетка свету беларуска Арына Сабаленка хацела завяршыць прафесійную кар'еру праз нянавісць да беларускіх і расійскіх гульцоў, а таксама праз пагрозы, якія пачалі паступаць пасля пачатку вайны. Пра гэта яна расказала ў эпізодзе серыяла «Брэйк-пойнт» на Netflix.
«Усе пачалі казаць: «Вы павінны адхіліць усіх гульцоў з Расіі і Беларусі». Я падумала, што ўсе глядзяць на мяне дзіўна, разумееце?
Я адчувала, што ўсе ненавідзяць мяне праз маю краіну. Пасля матчу я адкрыла Instagram, і першае, што выскачыла, было нешта накшталт «Ты, чорт вазьмі, памрэш» ці «Табе лепш памерці, зычу, каб уся твая сям'я памерла ад раку» і бла-бла-бла. Я бачыла гэтыя паведамленні і адчувала, што больш не магу з гэтым ладзіць. Гэта ўжо занадта», — сказала ў серыяле Сабаленка.
Пасля гэтых слоў Сабаленка расплакалася і пачала гаварыць са сваёй камандай па-руску, сказаўшы, што хоча перастаць гуляць у тэніс.
Раней Міжнародная федэрацыя тэніса (ITF) прыпыніла членства Федэрацыі тэніса Беларусі і Федэрацыі тэніса Расіі праз вайну ва Украіне. Расіяне і беларусы дапускаюцца на турніры Асацыяцыі тэнісістаў-прафесіяналаў (ATP) і Жаночай тэніснай асацыяцыі (WTA) у нейтральным статусе.
6 чэрвеня Сабаленка ўпершыню заявіла, што яна супраць вайны, не падтрымлівае Лукашэнку і не хоча, каб яе краіна была ўцягнутая ў баявыя дзеянні.
«Хай зʼездзіць у Кіеў і заначуе ў маёй кватэры». Украінская журналістка расказала пра рэакцыю Сабаленкі на вострыя пытанні
«Я разумею, чаму яны не паціскаюць нам рукі. Яна не заслужыла, каб яе так праводзілі з корта». Сабаленка пра тое, што трыбуны асвісталі Касцюк
Не вытрымала ціску? Чаму Сабаленка прызналася, што не падтрымлівае вайну
Цяпер чытаюць
«Спадзяюся, але не факт, што паступлю»: абітурыентка, якая здала ўсе іспыты на 100 балаў10
Каментары