«Я разумею, чаму яны не паціскаюць нам рукі. Яна не заслужыла, каб яе так праводзілі з корта». Сабаленка пра тое, што трыбуны асвісталі Касцюк
Арына Сабаленка пракаментавала сітуацыю, якая адбылася пасля матча з украінскай тэнісісткай Мартай Касцюк: трыбуны асвісталі Касцюк за тое, што яна не паціснула руку Сабаленка. Беларуска падумала, што свішчуць у яе адрас, і саркастычна пакланілася, піша sports.ru.
— Я не магла зразумець, што адбываецца. Таму што мы ўсе ведаем, што ўкраінскія дзяўчаты не паціскаюць нам рукі, таму нас гэта не здзіўляе, але, напэўна, сёння для гледачоў гэта стала нечаканасцю. Яны ўбачылі ў гэтым непавагу да мяне як да гульца, таму яе асвісталі.
Але спачатку я вырашыла, што асвістваюць мяне. Я крыху разгубілася і падумала: «Добра, што мне рабіць?» Я пагаварыла з камандай, каб пераканацца, што ўсё правільна зразумела. Потым я разабралася, што адбываецца, і тады падзякавала гледачам, папрасіўшы прабачэння за тое, што зрабіла спачатку (усміхаецца).
На пытанне журналіста, ці лічыць Сабаленка непавагай тое, што ўкраінскія тэнісісты не паціскаюць руку, Арына адказала:
— Я так не лічу. Я разумею, чаму яны не паціскаюць нам рукі. Я магу ўявіць рэакцыю з украінскага боку, калі яны будуць паціскаць нам рукі. Так што я гэта разумею. І разумею, што гэта не адносіцца да мяне асабіста. Вось і ўсё. Яна [Касцюк] не заслужыла, каб яе так праводзілі з корта.
Украінская тэнісістка Марта Касцюк пракаментавала словы беларускі Арыны Сабаленка, якая лічыць, што ўкраінка яе ненавідзіць.
Сёння ў матчы паміж Сабаленка і Касцюк перамагла Сабаленка ў двух сэтах — 6:3, 6:2.
«Які мэсэдж яна нясе ў свет?» Украінская тэнісістка патлумачыла, што не ненавідзіць Арыну Сабаленка, а рэч у іншым
Арына Сабаленка: Лукашэнка можа каментаваць што хоча, а я проста спартсменка з Беларусі
Арына Сабаленка не разумее, за што яе ненавідзяць украінкі
«Балі і абдыманкі з Лукашэнкам — не палітыка?» Спыталі ў сумленных спартсменаў, ці варта зняць спартовы бан з Расіі і Беларусі
«Крычы, б***». На БТ каментатара нецэнзурна прымушалі заўзець за Сабаленка
Навоша: Перамога Арыны Сабаленка нават пад нейтральным сцягам — рэдкая нагода для самасцвярджэння людажэрнай дыктатуры
Каментары