Транзітныя тарыфы на прапампоўку нафты па Беларусі хочуць павялічыць адразу на 84%
«Гомельтранснафта Дружба» хоча павысіць транзітныя тарыфы на прапампоўку нафты па Беларусі адразу на 84%. Як паведамляе тэлеграм-канал Neftegram, адбыцца гэта павінна з 1 ліпеня.
Прадстаўнікі Беларусі ўжо напісалі расійскім калегам ліст, у якім заявілі пра свае планы, пра гэта сказана ў паведамленні. Павышэнне тарыфаў абгрунтоўваюць падзеннем транзіту нафты праз санкцыі.
Як цытуе Neftegram, «за I квартал 2023 года грузаабарот па транзітных напрамках ААТ «Гомельтранснафта Дружба» знізіўся ў 4,7 разу, у тым ліку ў напрамку Польшчы і Германіі — у 12,1 разу да аналагічнага перыяду 2022-га». Акрамя таго, у студзені — чэрвені гэтага года беларускі бок чакае адмоўную дынаміку — зніжэнне ў 5,3 і 16,6 разу адпаведна.
У сваю чаргу расійскі бок адзначае, што паўночная галінка «Дружбы» цяпер амаль спынілася: толькі з Казахстана пампуюць максімум 100 тысяч тон у месяц замест 1,5-2 мільёнаў тон яшчэ два гады таму.
Расійскія нафтавікі прапампоўваюць праз Беларусь нафту па паўднёвай галінцы ў Венгрыю, Славакію і Чэхію, а таксама на беларускія заводы.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»15
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары