Tranzitnyja taryfy na prapampoŭku nafty pa Biełarusi chočuć pavialičyć adrazu na 84%
«Homieltransnafta Družba» choča pavysić tranzitnyja taryfy na prapampoŭku nafty pa Biełarusi adrazu na 84%. Jak paviedamlaje telehram-kanał Neftegram, adbycca heta pavinna z 1 lipienia.
Pradstaŭniki Biełarusi ŭžo napisali rasijskim kaleham list, u jakim zajavili pra svaje płany, pra heta skazana ŭ paviedamleńni. Pavyšeńnie taryfaŭ abhruntoŭvajuć padzieńniem tranzitu nafty praz sankcyi.
Jak cytuje Neftegram, «za I kvartał 2023 hoda hruzaabarot pa tranzitnych napramkach AAT «Homieltransnafta Družba» źniziŭsia ŭ 4,7 razu, u tym liku ŭ napramku Polščy i Hiermanii — u 12,1 razu da anałahičnaha pieryjadu 2022-ha». Akramia taho, u studzieni — červieni hetaha hoda biełaruski bok čakaje admoŭnuju dynamiku — źnižeńnie ŭ 5,3 i 16,6 razu adpaviedna.
U svaju čarhu rasijski bok adznačaje, što paŭnočnaja halinka «Družby» ciapier amal spyniłasia: tolki z Kazachstana pampujuć maksimum 100 tysiač ton u miesiac zamiest 1,5-2 miljonaŭ ton jašče dva hady tamu.
Rasijskija naftaviki prapampoŭvajuć praź Biełaruś naftu pa paŭdniovaj halincy ŭ Vienhryju, Słavakiju i Čechiju, a taksama na biełaruskija zavody.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary