Грамадства1212

Кіраўнікі Мінабароны РФ і Беларусі падпісалі дакументы наконт нестратэгічнай ядзернай зброі РФ на тэрыторыі Беларусі. Кнопка будзе толькі ў Расіі

Міністр абароны Беларусі Віктар Хрэнін і міністр абароны Расіі Сяргей Шайгу падпісалі сёння дакументы, якія тычацца размяшчэння нестратэгічнай ядзернай зброі на тэрыторыі Беларусі. Шайгу паставіў кропку ў пытанні — ядзернай зброяй будзе кіраваць толькі Расія. 

У Мінску адбылася двухбаковая сустрэча міністра абароны Беларусі Віктара Хрэніна і міністра абароны Расіі Сяргея Шайгу. Кіраўнікі ваенных ведамстваў абмеркавалі ваенна-палітычную абстаноўку і пытанні ваенна-тэхнічнага супрацоўніцтва паміж абароннымі ведамствамі, а таксама падпісалі дакументы, якія вызначаюць парадак утрымання расійскай нестратэгічнай ядзернай зброі ў спецыяльным сховішчы на тэрыторыі Рэспублікі Беларусь, як паведаміла прэс-служба Мінабароны.

«Размяшчэнне нестратэгічнай ядзернай зброі — дзейсны адказ на агрэсіўную палітыку недружалюбных нам краін», — заявіў міністр абароны Беларусі Віктар Хрэнін падчас сустрэчы з Шайгу.

Паводле яго, для забеспячэння ваеннай бяспекі, у тым ліку абароны заходніх межаў Саюзнай дзяржавы ў Рэспубліцы Беларусь пільная ўвага надаецца пытанням гатоўнасці і здольнасці Узброеных Сіл выканаць задачы па прызначэнні.

У рамках ваеннага і ваенна-тэхнічнага супрацоўніцтва паміж краінамі прынятыя меры па нарошчванні баявога патэнцыялу рэгіянальнай групоўкі войскаў, у тым ліку па аснашчэнні новымі сучаснымі ўзорамі ўзбраення, такімі як аператыўна-тактычны ракетны комплекс «Іскандэр-М», зенітная ракетная сістэма С-400, паведаміў міністр.

Праведзена пераабсталяванне самалётаў Су-25 з магчымасцю прымянення авіяцыйных сродкаў паражэння ў ядзерным абсталяванні. Вайскоўцы Рэспублікі Беларусь прайшлі навучанне на палігонах Расійскай Федэрацыі і атрымалі практычныя навыкі ў іх эксплуатацыі, як гаворыцца ў паведамленні.

Згодна з заяваю Хрэніна, «ва ўмовах невыканання гарантый бяспекі, дадзеных Рэспубліцы Беларусь у Будапешцкім мемарандуме 5 снежня 1994 года, а таксама бесперапыннай ваяўнічай рыторыкі, падмацаванай практычнымі дзеяннямі ў дачыненні да Рэспублікі Беларусь і Расійскай Федэрацыі з боку краін «калектыўнага» Захаду, па даручэнні кіраўнікоў нашых дзяржаў арганізаваная работа па размяшчэнні на тэрыторыі Рэспублікі Беларусь нестратэгічнай ядзернай зброі Расійскай Федэрацыі». 

Расія, размяшчаючы нестратэгічную ядзерную зброю на тэрыторыі Беларусі, не перадае яго Беларусі, кантроль над ім і рашэнне аб прымяненні застаецца за Масквой, пра гэта заявіў міністр абароны РФ Сяргей Шайгу.

Сёння міністр абароны Расіі прыляцеў у Мінск. Тут адбудзецца пасяджэнне Савета міністраў абароны АДКБ.

Пра тое, што Расія размесціць у Беларусі ядзерную зброю, прэзідэнт Расіі Уладзімір Пуцін заявіў у сакавіку. Паводле яго, адбылося гэта па просьбе Лукашэнкі. Фактычна ж Беларусь паставілі перад гэтым фактам. 

Прапагандысты сцвярджалі, што кантроль над выкарыстаннем зброі будзе і ў Беларусі. Генеральны сакратар СНД Сяргей Лебедзеў таксама заяўляў, што «будзе двайная кнопка» — рашэнне аб прымяненні ядзернай зброі Беларусь і РФ будуць прымаць сумесна. Цяпер гэта пытанне закрытае. 

Краіны НАТА, ЕС, ЗША асудзілі гэта рашэнне Расіі наконт размяшчэння тактычнай ядзернай зброі ў Беларусі. 

Украінскае МЗС заклікала беларусаў не дапусціць размяшчэння расійскай ядзернай зброі. 

Нават Кітай выпусціў каментар. Ядзерная вайна ніколі не павінна быць развязаная, бакі павінны засяродзіцца на дыпламатычным рашэнні ўкраінскага крызісу, як заявіла на брыфінгу ў панядзелак афіцыйная прадстаўніца МЗС КНР Маа Нін, каментуючы рашэнне Расіі аб размяшчэнні ў Беларусі тактычнай ядзернай зброі.

ЗША неаднойчы заяўлялі, што пакуль не бачаць прыкмет перакідання ядзернай зброі ў Беларусь. 

Дзе размесціцца сховішча для ядзернай зброі, пакуль не паведамлялася. 

Каментары12

  • Гопаі
    25.05.2023
    Ганьба!
  • Litwin
    25.05.2023


    Ганьба! ps
    "Благодаря невероятно успешной внешней
    политике путина



















    у нас всегда будут полные холодильники!

    " - заявил директор Ростовского морга
    ...
  • гэць
    25.05.2023
    Згодна з заяваю Хрэніна, «ва ўмовах невыканання гарантый бяспекі, дадзеных Рэспубліцы Беларусь у Будапешцкім мемарандуме 5 снежня 1994 года, а таксама бесперапыннай ваяўнічай рыторыкі, падмацаванай практычнымі дзеяннямі ў дачыненні да Рэспублікі Беларусь і Расійскай Федэрацыі з боку краі” - і яны яшчэ нешта заяўляюць наконт Будапешцкага мемарандума? Рф першая ж яго парушыла ў 2014 годзе анэксаваўшы крым і развязаўшы вайну на данбасе, а 24.02.22 развяазала вайну

Цяпер чытаюць

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў12

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў

Усе навіны →
Усе навіны

«Штогод губляем 15 аб'ектаў». Беларускія дачнікі змагаюцца з вышкамі сотавай сувязі1

Адміністрацыя Трампа закрыла сакрэтную працоўную групу, закліканую схіліць Расію да мірнага пагаднення3

У Гомелі закрылі забягалаўку прадпрымальніка-лукашыста і знішчылі яго плакат са Сталіным18

Іран заявіў пра ўдар па штаб-кватэры «Масада»

«Страцілі ўсё, акрамя жыцця». 85 гадоў таму ўнука прэзідэнта Гродна вывезлі з горада ў чамадане — зараз ён па крупінках узнаўляе гісторыю сям'і2

Шматдзетнага бацьку-верніка прызналі яшчэ і тэрарыстам1

Кампанія Трампа будзе выпускаць імянныя мабільнікі з цікавым тарыфным планам2

Хто такі Вярхоўны лідар Ірана аятала Алі Хаменеі і наколькі ўплывовая яго сям'я2

Беларускі экс-міністр прырос актывам у Польшчы, але не забывае пра Расію3

больш чытаных навін
больш лайканых навін

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў12

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў

Галоўнае
Усе навіны →

Заўвага:

 

 

 

 

Закрыць Паведаміць