Украінскія войскі пачалі «фармавальныя» аперацыі напярэдадні чаканага контрнаступу супраць расійскіх войскаў, паведаміла тэлекампаніі CNN двое высокапастаўленых заходніх вайскоўцаў.
Фармаванне ўключае нанясенне ўдараў па такіх цэлях, як склады зброі, камандныя цэнтры, бранятанкавыя і артылерыйскія сістэмы, і накіравана на падрыхтоўку поля бою для наступу. Гэта стандартная тактыка, якая ўжываецца перад буйнымі камбінаванымі аперацыямі.
Калі ў канцы мінулага лета Украіна пачала контрнаступ у паўднёвай і паўночна-ўсходняй частках краіны, яму таксама папярэднічалі паветраныя атакі. Па словах высокапастаўленага амерыканскага вайсковага чыноўніка, гэтыя аперацыі па фарміраванні поля бою могуць працягвацца на працягу многіх дзён да пачатку асноўнай часткі запланаванага наступу.
Такія аперацыі таксама могуць быць накіраваныя на заблытванне праціўніка.
Уладзімір Зяленскі раней заявіў, што Украіне трэба «яшчэ трохі часу», перш чым пачаць контрнаступ, каб у краіну паспела паступіць абяцаная заходняя вайсковая дапамога.
Цяпер чытаюць
«Не хачу чуць «спердаляй да Украіны» толькі таму, што размаўляю з бацькамі па тэлефоне на рускай». Беларусы дзеляцца, чаму вяртаюцца з Польшчы19
Каментары