Ukrainskija vojski pačali «farmavalnyja» apieracyi napiaredadni čakanaha kontrnastupu suprać rasijskich vojskaŭ, paviedamiła telekampanii CNN dvoje vysokapastaŭlenych zachodnich vajskoŭcaŭ.
Farmavańnie ŭklučaje naniasieńnie ŭdaraŭ pa takich celach, jak składy zbroi, kamandnyja centry, braniatankavyja i artyleryjskija sistemy, i nakiravana na padrychtoŭku pola boju dla nastupu. Heta standartnaja taktyka, jakaja ŭžyvajecca pierad bujnymi kambinavanymi apieracyjami.
Kali ŭ kancy minułaha leta Ukraina pačała kontrnastup u paŭdniovaj i paŭnočna-ŭschodniaj častkach krainy, jamu taksama papiaredničali pavietranyja ataki. Pa słovach vysokapastaŭlenaha amierykanskaha vajskovaha čynoŭnika, hetyja apieracyi pa farmiravańni pola boju mohuć praciahvacca na praciahu mnohich dzion da pačatku asnoŭnaj častki zapłanavanaha nastupu.
Takija apieracyi taksama mohuć być nakiravanyja na zabłytvańnie praciŭnika.
Uładzimir Zialenski raniej zajaviŭ, što Ukrainie treba «jašče trochi času», pierš čym pačać kontrnastup, kab u krainu paśpieła pastupić abiacanaja zachodniaja vajskovaja dapamoha.
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik3
Kamientary