Kiraŭnik PVK «Vahnier» abviaściŭ, što ŭkrainski kontrnastup, jakoha čakajuć apošni miesiac, idzie poŭnym chodam». «Padraździaleńni USU zachodziać u fłanhi, i na žal, u častcy miescaŭ heta paśpiachova ŭ ich atrymlivajecca», — zajaviŭ Pryhožyn.
Jon paabiacaŭ, što kali ŭkrainskaje vojska prałomić bachmucki kirunak, to pojdzie na terytoryju Rasii: «Im treba spačatku razabracca z Arciomaŭskim kirunkam, z PVK «Vahnier», skončyć hetuju historyju, i paśla hetaha na ŭzdymie z usim bajavym ducham iści ŭ Zaparožža, Branskuju i Biełharadskuju vobłaść».
Na čym jon zasnoŭvaje takija vysnovy, niezrazumieła. Ukrainskija ŭłady šmat razoŭ padkreślivali, što chočuć viarnuć svaje terytoryi, uklučajučy Krym, ale nie źbirajucca zachoplivać čužyja.
«PVK «Vahnier» praciahvaje vykonvać bajavyja zadačy ŭ žudasnym snaradnym hoładzie, bo abiacańni Minabarony nie vykananyja», — dadaŭ Pryhožyn.
Na hoład z bojeprypasami kiraŭnik PVK skardzicca daŭno. Raniej jon zapisvaŭ hrubyja zvaroty da Minabarony, patrabujučy bojeprypasaŭ i abiacajučy syści z pazicyj, kali snaradaŭ nie daduć.
Paśla paradu na Krasnaj płoščy 9 maja jon pajšoŭ jašče dalej i niecenzurna vykazaŭsia pra «ščaślivaha dziadulu», dziejańni jakoha pahražajuć paražeńniem Rasii ŭ vajnie.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary