Прэзідэнт Уладзімір Зяленскі пракаментаваў магчымую страту вайсковай падтрымкі Украіны Злучанымі Штатамі пасля прэзідэнцкіх выбараў 2024 года ў Амерыцы. Ён заявіў, што да таго часу Украіна можа выйграць вайну. Пра гэта, як піша «Еўрапейская праўда», ён распавёў у інтэрв'ю BBC.
Зяленскі адхіліў асцярогі з нагоды страты падтрымкі ЗША, калі прэзідэнт Джо Байдэн, які паабяцаў падтрымліваць Украіну столькі, колькі спатрэбіцца, не будзе пераабраны ў лістападзе 2024 года.
Па словах Зяленскага, Украіна па-ранейшаму мае двухпартыйную падтрымку ў Кангрэсе ЗША. Да таго ж прэзідэнт лічыць, што Украіна здольная выйграць вайну да прэзідэнцкіх выбараў у Злучаных Штатах, якія адбудуцца 5 лістапада наступнага года.
«Хто ведае, дзе мы будзем (калі адбудуцца выбары). Я веру, што да таго часу мы атрымаем перамогу», — сказаў кіраўнік дзяржавы.
Зяленскі выказаў упэўненасць, што ўкраінскія вайскоўцы змогуць прасунуцца наперад падчас чаканага контрнаступлення. Ён папярэдзіў пра рызыкі «замарожанага канфлікту», на які, са слоў Зяленскага, разлічвае Расія.
Нагадаем, экс-прэзідэнт ЗША Дональд Трамп, які з'яўляецца верагодным канкурэнтам Байдэна на выбарах, лічыць, што Злучаныя Штаты аказваюць занадта шмат ваеннай дапамогі Украіне.
Ціханоўскі расказаў, што трэба было рабіць у жніўні 2020-га63
Каментары
Путин тожа верыу што вожбме киёу за 3 дни…и Захаж у нэта верыу…