У Глыбокім ліквідуюць фонд, які дапамагаў уладам асвойваць грошы Еўрасаюза
Пачалася ліквідацыя фонду «Цэнтр садзейнічання сацыяльна-эканамічнаму развіццю латвійска-літоўска-беларускіх тэрыторый «Азёрны край» з Глыбоцкага раёна. Справа будзе слухацца ў Віцебскім абласным судзе 3 мая, а пазоўнікам выступае Глыбоцкі райвыканкам, пішуць «Народныя навіны Віцебска».
Фонд «Азёрны край» быў створаны для таго, каб улады маглі праз яго асвойваць грошы Еўрасаюза. На момант рэалізацыі праектаў фондам кіраваў Міхаіл Арэхаў, які ў пачатку 2010-х гадоў займаў пасаду начальніка аддзела фізічнай культуры, спорту і турызму Глыбоцкага райвыканкама.
Толькі адзін з праектаў, якія фінансаваліся ЕС у Глыбоцкім раёне і ў якім браў удзел фонд «Азёрны край», меў бюджэт 460 000 еўра, пры гэтым унёсак Еўрасаюза складаў 414 869 еўра.
Выдаткі фонду былі распісаныя ў плане мясцовага эканамічнага развіцця, які можна знайсці на сайце Глыбоцкага райвыканкама:
- заснаванне Цэнтра садзейнічання прадпрымальніцтву і інавацыям — 100 000 еўра;
- стварэнне і арганізацыя дзейнасці школы бізнэсу — 141 000 еўра;
- стварэнне і арганізацыя дзейнасці офіса па суправаджэнні стартапаў — 100 000 еўра;
- стварэнне і арганізацыя дзейнасці офіса бізнэс-прасоўвання прадукцыі і паслуг мясцовых прадпрыемстваў — 120 000 еўра.
У пералічаных мерапрыемствах праекта партнёрамі былі фонд «Азёрны край» на чале з былым чыноўнікам і органы мясцовай улады — райвыканкам і райсавет.
Гэты праект Еўрасаюза працягваў рэалізоўвацца ў Беларусі аж да канца 2021 года. Цяпер жа, выглядае, чыноўнікі ўжо не вераць, што фонд «Азёрны край» некалі яшчэ спатрэбіцца.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам20
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары