U Hłybokim likvidujuć fond, jaki dapamahaŭ uładam asvojvać hrošy Jeŭrasajuza
Pačałasia likvidacyja fondu «Centr sadziejničańnia sacyjalna-ekanamičnamu raźvićciu łatvijska-litoŭska-biełaruskich terytoryj «Aziorny kraj» z Hłybockaha rajona. Sprava budzie słuchacca ŭ Viciebskim abłasnym sudzie 3 maja, a pazoŭnikam vystupaje Hłybocki rajvykankam, pišuć «Narodnyja naviny Viciebska».
Fond «Aziorny kraj» byŭ stvorany dla taho, kab ułady mahli praź jaho asvojvać hrošy Jeŭrasajuza. Na momant realizacyi prajektaŭ fondam kiravaŭ Michaił Arechaŭ, jaki ŭ pačatku 2010-ch hadoŭ zajmaŭ pasadu načalnika adździeła fizičnaj kultury, sportu i turyzmu Hłybockaha rajvykankama.
Tolki adzin z prajektaŭ, jakija finansavalisia ES u Hłybockim rajonie i ŭ jakim braŭ udzieł fond «Aziorny kraj», mieŭ biudžet 460 000 jeŭra, pry hetym uniosak Jeŭrasajuza składaŭ 414 869 jeŭra.
Vydatki fondu byli raśpisanyja ŭ płanie miascovaha ekanamičnaha raźvićcia, jaki možna znajści na sajcie Hłybockaha rajvykankama:
- zasnavańnie Centra sadziejničańnia pradprymalnictvu i inavacyjam — 100 000 jeŭra;
- stvareńnie i arhanizacyja dziejnaści škoły biznesu — 141 000 jeŭra;
- stvareńnie i arhanizacyja dziejnaści ofisa pa supravadžeńni startapaŭ — 100 000 jeŭra;
- stvareńnie i arhanizacyja dziejnaści ofisa biznes-prasoŭvańnia pradukcyi i pasłuh miascovych pradpryjemstvaŭ — 120 000 jeŭra.
U pieraličanych mierapryjemstvach prajekta partniorami byli fond «Aziorny kraj» na čale z byłym čynoŭnikam i orhany miascovaj ułady — rajvykankam i rajsaviet.
Hety prajekt Jeŭrasajuza praciahvaŭ realizoŭvacca ŭ Biełarusi až da kanca 2021 hoda. Ciapier ža, vyhladaje, čynoŭniki ŭžo nie vierać, što fond «Aziorny kraj» niekali jašče spatrebicca.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam15
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary