У сеціве распаўсюджваецца небяспечны вірус, які паражае MacOS праз сацсетку Telegram
Шкоднасная праграма атрымлівае доступ да макбука і крадзе сістэмную інфармацыю, працоўныя файлы, банкаўскія даныя і паролі ад крыптакашалькоў.
Эксперты па кібербяспецы нядаўна знайшлі новую шкоднасную праграму, якая ў першую чаргу нацэлена на карыстальнікаў MacOS і іх асабістыя даныя. Пра гэта 26 красавіка паведаміла кампанія Cyble Research, якая і выявіла вірус.
Па інфармацыі кіберспецыялістаў, шкоднаснае праграмнае забеспячэнне (ПЗ) пад назвай Atomic macOS Stealer (AMOS) першапачаткова пачала распаўсюджвацца праз пэўныя тэлеграм-каналы, адміністратары якіх прадаюць вірус і яго магчымасці за 1000 даляраў у месяц.
«У гэтыя магчымасці ўваходзяць перахоп доступу да MacOS і AppleID карыстальнікаў разам з крадзяжом поўнай сістэмнай інфармацыі, пароляў, працоўных дакументаў, банкаўскіх дадзеных і «звязкі ключоў» у браўзерах. Апроч гэтага вірус AMOS палюе за змесцівам крыптакашалькоў Electrum, Binance, Exodus, Atomic і Coinomi», — паведамляе кампанія Cyble Research.
Праграма таксама дае зламыснікам вэб-панэль для аддаленага кантролю над прыладамі ахвяр і сам зыходны код віруса для заражэння любых файлаў фармату.dmg (стандартнае пашырэнне для файлаў аперацыйнай сістэмы MacOS).
Таму для абароны асабістых і банкаўскіх дадзеных эксперты зноў нагадваюць пра неабходнасць усталёўваць дадаткі і файлы толькі з афіцыйных крыніц, як, напрыклад, App Store. Плюс да ўсяго неабходна выкарыстоўваць надзейныя паролі, двухфактарную аўтэнтыфікацыю і пазбягаць пераходаў на сумнеўныя спасылкі.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары