Камандуючы Усходняй групоўкай войск УСУ патлумачыў, чаму яны працягваюць утрымліваць Бахмут
Баі за Бахмут цягнуцца ўжо 9 месяцаў. Камандуючы Усходняй групоўкай войск УСУ генерал-палкоўнік Аляксандр Сырскі ў інтэрв'ю «Інтэрфакс-Украіна» кажа, што гэтыя баі маюць важнае значэнне не толькі для РФ, але і для Украіны.
Сырскі тлумачыць, што на працягу некалькіх месяцаў на гэтым кірунку яны стрымліваюць наступ ворага і не даюць яму павялічваць лінію фронту. Акрамя таго, наносяць расійскай арміі значныя страты — знішчаюцца самыя прафесійныя расійскія падраздзяленні, узбраенне і ваенная тэхніка.
Далейшае ўтрыманне Бахмута, па словах Сырскага, мае важнае значэнне для абароны Украіны па некалькіх прычынах:
- горад з'яўляецца важным вузлом абароны, утрыманне якога забяспечвае ўстойлівасць абароны групоўкі войск у цэлым;
- Бахмут з'яўляецца ўдала размешчанай прыроднай крэпасцю, якая акружаная рэкамі і размешчаная на пагорках, што спрыяе вядзенню абароны;
- таксама абароне горада спрыяе наяўнасць шматпавярховай забудовы і развітая інфраструктура на левым беразе ракі Бахмутоўка, дзе вядуць абарону ўкраінскія войскі;
- бой па авалоданні горадам з'яўляецца спецыфічным відам баявых дзеянняў, які патрабуе асаблівых навыкаў і стварае цяжкасці для войск, якія вялі наступ ва ўмовах лесастэпу;
- Бахмут з'яўляецца часткай Канстанцінаўска-Краматорскай агламерацыі, утрыманне якой выключае выхад расійскіх салдат у фланг і тыл груповак украінскіх войскаў на Лісічанскім і Данецкім напрамках.
Для Расіі, адзначае Сырскі, баі за Бахмут — як другая «бітва за Сталінград», таму Расія не шкадуе рэсурсаў.
У Расіі знайшлі ўжо сем могілак, на якіх масава хаваюць загінулых вагнераўцаў
З сакрэтных амерыканскіх дакументаў сталі вядомы страты ўкраінскай арміі
Расія перакідае ў Бахмут падраздзяленні рэгулярных войск з-за вялікіх страт у шэрагах ПВК «Вагнер»
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць6
Каментары