Эканоміка55

«За пустую кватэру заплаціў пад 190 рублёў, не працаваў нават халадзільнік». Беларускія дальнабойшчыкі ў шоку ад сваіх жыровак 

Пасля таго, як у спіс «дармаедаў» патрапілі кіроўцы-дальнабойшчыкі, якія працуюць у еўрапейскіх фірмах, ім выстаўляюць вялізныя рахункі за камуналку. 

«Замест 60 рублёў за месяц мне давядзецца заплаціць пад 190»

Згодна з пастановай Саўміна № 166 ад 25 сакавіка 2022 года, беларусы, якія з'ехалі з краіны больш чым на 30 дзён і не занятыя ў эканоміцы, мусяць аплачваць жыллёва-камунальныя паслугі ў поўным аб'ёме. Выключэнне — тыя, хто выехаў на аздараўленне або лячэнне.

У спіс «дармаедаў» трапляюць і тыя, хто афіцыйна працуе ў краінах ЕС. Гэта значыць, што яны таксама павінны плаціць за камуналку на поўную. Ад аплаты па павышаных тарыфах вызваляюць толькі тых, хто выехаў на працу ў краіны ЕАЭС.

Праз гэта беларускія дальнабойшчыкі, якія працуюць у еўрапейскіх фірмах і маюць нерухомасць у Беларусі, аказаліся ў цікавым становішчы.

Чытач распавёў, што быў моцна здзіўлены, калі пасля вяртання з чарговай кадэнцыі даведаўся, што яму пералічылі жыроўку за люты.

«За кватэру, у якой ніхто не жыве, цяпер замест 60 рублёў за месяц мне давядзецца заплаціць пад 190», — абураецца мужчына.

Мужчына кажа, што паколькі ён жыве адзін, то ў той час, калі ён па 2-2,5 месяца знаходзіцца ў Еўропе, у кватэры не працуе нават халадзільнік, таму агучаная сума выходзіць за камунальныя паслугі з нулявым спажыванне вады, газа і электрычнасці.

«Добра было б прадаць кватэру да наступнага ацяпляльнага сезона»

Іншы суразмоўца, які таксама апошнім часам стаў атрымліваць жыроўкі па павышаным тарыфе, працуе кіроўцам у Польшчы, куды ўжо паспеў перавезці жонку і дзіця.

«Асабліва адчувальна сумы павялічыліся з надыходам зімы. За люты за камуналку трохпакаёўкі, дзе ніхто не жыве, нам давялося заплаціць 300 рублёў. Да пераразліку ніколі больш за 100 рублёў за пустую кватэру не выходзіла», — кажа ён.

Мужчына кажа, што такія тарыфы падштурхоўваць ягоную сям'ю да таго, каб пазбавіцца нерухомасці ў Беларусі.

«Плаціць па сто еўра ў месяц за пустую кватэру — так сабе задума. Гэтай зімой мы пачалі сурʼёзна задумвацца над тым, што добра было б прадаць кватэру да наступнага ацяпляльнага сезона», — дзеліцца мужчына.

Чытайце таксама: 

Ці варта цяпер разглядаць куплю нерухомасці як добрую інвестыцыю і сродак зберажэння накапленняў?

Набліжаны да Лукашэнкі бізнэсовец збудаваў комплекс насупраць Палаца Незалежнасці. Вось як ён выглядае

«Найлепшы загарадны дом у Беларусі, прэміум-клас!» Якія дамы прадаюць на беразе Нарачы

Каментары5

  • Еак
    04.04.2023
    А гэта таму што ў 2020 вы асабіста кроў не пралілі.
  • No
    04.04.2023
    Вскр,
  • Хто ты такі? Адкуль ты ўзяўся?
    04.04.2023
    Вскр, добра, што ты сумленны, не сцерпіш нашчадкаў расейскай акупацыі і вывучыш родную мову 

Цяпер чытаюць

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Усе навіны →
Усе навіны

У Кітаі працягваюцца жорсткія чысткі ў арміі: паляцела галава другога чалавека ў войску3

«Я думаю, Пуцін хоча завяршыць вайну». Трамп сустрэўся ў Белым доме з Зяленскім22

Філосаф Мацкевіч прапануе стварыць варыянт беларускай рускай мовы, каб зблізіць яе з беларускай124

Польскі суд адмовіўся выдаваць Германіі абвінавачанага ў падрыве «Паўночнага патока»4

Аляксандр Азараў закрывае фонд Bypol4

У «Беларуснафце» расказалі, як вырашаюць праблему чэргаў на АЗС6

У мінскай Камароўкі з'явіўся канкурэнт. Якія цэны на гэтым «сакрэтным» рынку?5

Пуцін узнагародзіў Андрэя Лемяшонка і ігуменню Гаўрыілу14

Ціханоўскай часова вярнулі ранейшую ахову16

больш чытаных навін
больш лайканых навін

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Галоўнае
Усе навіны →

Заўвага:

 

 

 

 

Закрыць Паведаміць