Пратасевічу, Пуцілу і Рудзіку інкрымінуецца не менш за 1586 злачынстваў
Мінскі абласны суд разглядае справу кіраўнікоў тэлеграм-канала Nexta ў дачыненні да Сцяпана Пуцілы, Яна Рудзіка і Рамана Пратасевіча.
Рудзік і Пуціла знаходзяцца за мяжой. Раман Пратасевіч у зале пасяджэнняў, ён пад хатнім арыштам. Пратасевіч прызнаў віну ў поўным аб'ёме.
БелТА паведамляе, што абвінавачаным інкрымінуецца здзяйсненне не менш за 1586 злачынстваў. Што менавіта лічыцца злачынствамі, БелТА не ўдакладняе.
Падсудныя абвінавачваюцца ў арганізацыі масавых беспарадкаў, падрыхтоўцы дзеянняў, якія груба парушаюць грамадскі парадак, закліках да санкцый у дачыненні да Беларусі, стварэнні або кіраўніцтве экстрэмісцкім фармаваннем і іншых цяжкіх і асабліва цяжкіх злачынствах. Акрамя таго, усім траім прад'яўленае абвінавачванне ў змове з мэтай захопу дзяржаўнай улады. Усяго Пуцілу інкрымінаванае здзяйсненне злачынстваў па 7 артыкулах Крымінальнага кодэкса, Рудзіку і Пратасевічу — па 10 і 11 адпаведна.
Таксама паведамляецца, што была ўсталяваная сувязь падсудных з Сяргеем Ціханоўскім, Мікалаем Статкевічам, Ігарам Лосікам, Віктарам Бабарыкам, Марыяй Калеснікавай, а таксама са Святланай Ціханоўскай, Франакам Вячоркам і Валерыем Цапкалам.
Як заявіў дзяржаўны абвінаваўца, Пуціла, Рудзік і Пратасевіч, апроч іншага, былі датычныя да распрацоўкі плана па перадачы дзяржаўнай улады Святлане Ціханоўскай.
Сёння ў Мінску судзяць кіраўнікоў Nexta. Пратасевіча змусілі выказацца пра калег
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза13
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары