Pratasieviču, Puciłu i Rudziku inkryminujecca nie mienš za 1586 złačynstvaŭ
Minski abłasny sud razhladaje spravu kiraŭnikoŭ telehram-kanała Nexta ŭ dačynieńni da Ściapana Puciły, Jana Rudzika i Ramana Pratasieviča.
Rudzik i Puciła znachodziacca za miažoj. Raman Pratasievič u zale pasiadžeńniaŭ, jon pad chatnim aryštam. Pratasievič pryznaŭ vinu ŭ poŭnym abjomie.
BiełTA paviedamlaje, što abvinavačanym inkryminujecca ździajśnieńnie nie mienš za 1586 złačynstvaŭ. Što mienavita ličycca złačynstvami, BiełTA nie ŭdakładniaje.
Padsudnyja abvinavačvajucca ŭ arhanizacyi masavych biesparadkaŭ, padrychtoŭcy dziejańniaŭ, jakija hruba parušajuć hramadski paradak, zaklikach da sankcyj u dačynieńni da Biełarusi, stvareńni abo kiraŭnictvie ekstremisckim farmavańniem i inšych ciažkich i asabliva ciažkich złačynstvach. Akramia taho, usim traim pradjaŭlenaje abvinavačvańnie ŭ zmovie z metaj zachopu dziaržaŭnaj ułady. Usiaho Puciłu inkryminavanaje ździajśnieńnie złačynstvaŭ pa 7 artykułach Kryminalnaha kodeksa, Rudziku i Pratasieviču — pa 10 i 11 adpaviedna.
Taksama paviedamlajecca, što była ŭstalavanaja suviaź padsudnych ź Siarhiejem Cichanoŭskim, Mikałajem Statkievičam, Iharam Łosikam, Viktaram Babarykam, Maryjaj Kaleśnikavaj, a taksama sa Śviatłanaj Cichanoŭskaj, Franakam Viačorkam i Valeryjem Capkałam.
Jak zajaviŭ dziaržaŭny abvinavaŭca, Puciła, Rudzik i Pratasievič, aproč inšaha, byli datyčnyja da raspracoŭki płana pa pieradačy dziaržaŭnaj ułady Śviatłanie Cichanoŭskaj.
Siońnia ŭ Minsku sudziać kiraŭnikoŭ Nexta. Pratasieviča zmusili vykazacca pra kaleh
-
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
-
Staŭ viadomy prysud padpałkoŭniku Čaramnych, jakoha abvinavačvali ŭ zdradzie dziaržavie
-
«Adčuła plavok — i ŭsie śmiajucca». U polskim Bydhaščy siamja napała na muža i žonku ź Biełarusi
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2020
Kamientary