Міністр інфармацыі назваў двухдзённую адсутнасць вады ў Пружанах дробнай камунальнай праблемай
Міністр інфармацыі Уладзімір Пярцоў лічыць, што «апаненты» надаюць празмерную ўвагу дробным камунальным праблемам, каб стварыць негатыўны настрой у грамадстве.
Пра гэта ён заявіў на сустрэчы з калектывамі дзяржСМІ і актывам горада падчас візіту ў Наваполацк.
У якасці прыкладу ён прывёў сітуацыю з адключэннем вады ў Пружанах.
«Апаненты хайпуюць на дробных тэмах. У прыватнасці, разгойдваюцца, раздзімаюцца да нездаровага ўзроўню камунальныя праблемы, сітуацыя са школамі і дзіцячымі садамі і іншыя. Адзін са свежых прыкладаў — праблема водазабеспячэння ў Пружанах. І гэта яшчэ адзін спосаб апанентаў стварыць негатыўны настрой у беларускім грамадстве», — сказаў Пярцоў.
Праблемы з вадой у Пружанах узніклі раніцай 16 студзеня. Па ўсім горадзе знікла вада. Праблема была вырашана толькі пад вечар 17 студзеня. Увесь гэты час 20-тысячны горад заставаўся без вады.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
Кроме вреда и совкового мракобесия эти существа не принесут.