У міліцыю з заявай аб крадзяжы грошай з разліковага рахунку звярнуўся прадстаўнік сталічнай кампаніі па продажы тавараў для дома, паведамляе тэлеграм-канал «Міліцыя Мінска».
Аператыўнікі па барацьбе з эканамічнымі злачынствамі ўстанавілі, што да крадзяжу датычны 28-гадовы экспедытар кампаніі. Мужчына ажыццяўляў дастаўку тавараў, а таксама прымаў аплату, у тым ліку па банкаўскай карце з выкарыстаннем тэрмінала.
За суткі мужчына зрабіў вяртанне грошай на сваю картку з выкарыстаннем тэрмінала кампаніі на суму больш за 39 тысяч рублёў. А скрадзенае прайграў у казіно.
Следчымі заведзена крымінальная справа за крадзеж шляхам мадыфікацыі камп'ютарнай тэхнікі, здзейснены ў асабліва буйным памеры.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП16
Каментары