71-гадоваму акадэміку Алегу Давыдзенку і яго жонцы прысудзілі па 3 гады хатняй хіміі
Члена-карэспандэнта НАН Беларусі, доктара біялагічных навук Алега Давыдзенку і яго жонку Наталлю Акцябрскую абвінавацілі ў «актыўных дзеяннях, якія груба парушаюць грамадскі парадак» ды «абразе Лукашэнкі».
Паводле знаёмых сям’і, справу супраць іх суд Савецкага раёна Мінска разгледзеў за адзін дзень. Вяла працэс суддзя Алена Жуковіч. Яна палічыла, што віна Давыдзенкі і Акцябрскай па ч. 1 арт. 342 і арт. 368 даказаная, і абаіх пакарала трыма гадамі абмежавання волі без накіравання ва ўстанову адкрытага тыпу.
Алега Давыдзенку і яго жонку Наталлю Акцябрскую затрымалі раніцай 2 лістапада. Нагодай для пераследу сужэнцаў стала фота, на якім яны стаяць з плакатам падчас пратэстаў 2020 года.
Вядома, што Давыдзенку да суда трымалі пад вартай, а па зняволенні звольнілі з Інстытута генетыкі і цыталогіі Акадэміі навук Беларусі.
Алег Давыдзенка — доктар біялагічных навук, прафесар, член-карэспандэнт НАН Беларусі. Ён аўтар 300 навуковых прац, у тым ліку 5 манаграфій, 1 падручніка, вывеў 19 гатункаў раслін. Ён даследаваў геном карэннага насельніцтва Беларусі.
Паводле калег, Алег Давыдзенка ніколі не быў захоплены кар'ерай. Яго жыццё заўсёды было падпарадкавана навуцы — даследаванням, лабараторыі.
У 2020 годзе ён быў сярод падпісантаў ліста навукоўцаў супраць гвалту ў краіне пасля выбараў і выйшаў з афіцыйнага прафсаюза.
Арыштаваныя 71-гадовы членкар Акадэміі навук і яго жонка
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары