Фэйк выкрыў сапраўдны сваяк камандуючага расійскай арміяй.
Лётчык-герой Уладзімір Суравікін, які загінуў у 1966 годзе на Далёкім Усходзе, не мае ніякага дачынення да цяперашняга камандуючага расійскімі войскамі ва Украіне Сяргея Суравікіна, заявіў праўнук лётчыка Уладзімір Мазіч журналістам «Палігон.Медыя» і тэлеграм-канала «Можем объясніть».
Фэйк пра гераічнага бацьку Сяргея Суравікіна, якога расійская прапаганда называе «генералам Армагедонам», запусціў некалькі дзён таму супрацоўнік ВГТРК Аляксандр Сладкоў. Ён прыпісаў «Армагедону» сваяцтва з ваенным лётчыкам, што збіў тры амерыканскія самалёты ў Карэйскай вайне 1950-х гадоў і загінуў пры падзенні пілатуемага самалёта. Уладзімір Суравікін адвёў машыну ад жылых дамоў, але сам катапультавацца не паспеў. У гонар лётчыка ва Усурыйску ўсталявалі памятную шыльду.
Па словах Уладзіміра Мазіча, у яго прадзеда наогул не было сыноў, а была толькі дачка — бабуля суразмоўцы. «Праблема ў тым, што мы [у сям'і] не ведаем, хто такі Сяргей Суравікін. Магчыма, на Далёкім Усходзе нешта наблыталі. У нас ёсць надзея, што гэта памылка», — распавёў Мазіч.
Дарэчы, сам праўнук лётчыка-героя — праціўнік развязанай Расіяй вайны ва Украіне, дзе акупацыйнымі войскамі камандуе яго нібыта «сваяк». «Хацеў напісаць, што паважаю ўкраінцаў за стойкасць духу, але гэты факт і так усім стаў ясны ў апошнія дні, і гэта ўжо не зменіцца», — напісаў ён 27 лютага.
-
У Расіі мастачку асудзілі на 20 гадоў за падрыхтоўку выбухоўкі на замову ўкраінскіх спецслужбаў
-
Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было». Той адказаў рэзка
-
У Эстоніі супрацоўніцу «Расіі сегодня» асудзілі на шэсць гадоў за дзяржздраду
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары