Fejk vykryŭ sapraŭdny svajak kamandujučaha rasijskaj armijaj.
Lotčyk-hieroj Uładzimir Suravikin, jaki zahinuŭ u 1966 hodzie na Dalokim Uschodzie, nie maje nijakaha dačynieńnia da ciapierašniaha kamandujučaha rasijskimi vojskami va Ukrainie Siarhieja Suravikina, zajaviŭ praŭnuk lotčyka Uładzimir Mazič žurnalistam «Palihon.Miedyja» i telehram-kanała «Možiem objaśniť».
Fejk pra hieraičnaha baćku Siarhieja Suravikina, jakoha rasijskaja prapahanda nazyvaje «hienierałam Armahiedonam», zapuściŭ niekalki dzion tamu supracoŭnik VHTRK Alaksandr Sładkoŭ. Jon prypisaŭ «Armahiedonu» svajactva z vajennym lotčykam, što źbiŭ try amierykanskija samaloty ŭ Karejskaj vajnie 1950-ch hadoŭ i zahinuŭ pry padzieńni piłatujemaha samalota. Uładzimir Suravikin advioŭ mašynu ad žyłych damoŭ, ale sam katapultavacca nie paśpieŭ. U honar lotčyka va Usuryjsku ŭstalavali pamiatnuju šyldu.
Pa słovach Uładzimira Maziča, u jaho pradzieda naohuł nie było synoŭ, a była tolki dačka — babula surazmoŭcy. «Prablema ŭ tym, što my [u siamji] nie viedajem, chto taki Siarhiej Suravikin. Mahčyma, na Dalokim Uschodzie niešta nabłytali. U nas jość nadzieja, što heta pamyłka», — raspavioŭ Mazič.
Darečy, sam praŭnuk lotčyka-hieroja — praciŭnik raźviazanaj Rasijaj vajny va Ukrainie, dzie akupacyjnymi vojskami kamanduje jaho nibyta «svajak». «Chacieŭ napisać, što pavažaju ŭkraincaŭ za stojkaść duchu, ale hety fakt i tak usim staŭ jasny ŭ apošnija dni, i heta ŭžo nie źmienicca», — napisaŭ jon 27 lutaha.
Ciapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary