«Манчэстэр Юнайтэд» падасць у суд на Крышціяну Раналду з-за інтэрв'ю, у якім ён крытыкаваў клуб
Імаверна, партугалец больш ніколі не згуляе за «МЮ».
Футбольны клуб «Манчэстэр Юнайтэд» прызначыў адвакатаў, каб падаць у суд на свайго гульца Крышціяну Раналду з-за рэзкіх заяў, зробленых ім у нядаўнім інтэрв'ю, піша The Guardian.
Клуб мае намер прымяніць юрыдычныя санкцыі ў дачыненні да гульца, бо мяркуе, што сваімі выказваннямі Раналду парушыў умовы кантракту. «МЮ» не мае намеру плаціць партугальцу астатнія 16 мільёнаў даляраў.
У афіцыйнай заяве «Манчэстэр Юнайтэд» толькі адзначыў, што «распачаў адпаведныя крокі», не ўдакладніўшы іх сутнасці, і падкрэсліў, што далейшых каментарыяў пакуль не будзе.
Падача іску азначае, што Раналду, які цяпер знаходзіцца на шляху ў Катар на чэмпіянат свету па футболе, напэўна больш ніколі не будзе гуляць за «Манчэстэр Юнайтэд». Як піша The Guardian, яму сказалі не вяртацца на трэніровачную базу клуба пасля сусветнага першынства.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары