«Mančester Junajted» padaść u sud na Kryšcijanu Ranałdu z-za intervju, u jakim jon krytykavaŭ kłub
Imavierna, partuhalec bolš nikoli nie zhulaje za «MIU».
Futbolny kłub «Mančester Junajted» pryznačyŭ advakataŭ, kab padać u sud na svajho hulca Kryšcijanu Ranałdu z-za rezkich zajaŭ, zroblenych im u niadaŭnim intervju, piša The Guardian.
Kłub maje namier prymianić jurydyčnyja sankcyi ŭ dačynieńni da hulca, bo miarkuje, što svaimi vykazvańniami Ranałdu parušyŭ umovy kantraktu. «MIU» nie maje namieru płacić partuhalcu astatnija 16 miljonaŭ dalaraŭ.
U aficyjnaj zajavie «Mančester Junajted» tolki adznačyŭ, što «raspačaŭ adpaviednyja kroki», nie ŭdakładniŭšy ich sutnaści, i padkreśliŭ, što dalejšych kamientaryjaŭ pakul nie budzie.
Padača isku aznačaje, što Ranałdu, jaki ciapier znachodzicca na šlachu ŭ Katar na čempijanat śvietu pa futbole, napeŭna bolš nikoli nie budzie hulać za «Mančester Junajted». Jak piša The Guardian, jamu skazali nie viartacca na trenirovačnuju bazu kłuba paśla suśvietnaha pieršynstva.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary