Здароўе

30% інфіцыраваных людзей маюць посткавід. Вось у чым яго небяспека

Па ўсім свеце тысячы хворых на кавід заклікаюць свае ўрады аказваць больш дапамогі ўсё большай колькасці людзей, якія сутыкаюцца з працяглымі сімптомамі пасля заражэння (вядомымі пад назвай «посткавід» ці «працяглы кавід»).

Прадстаўнік Нацыянальнай службы аховы здароўя Вялікабрытаніі паведаміў Politico, што новы план падтрымкі для пацыентаў з працяглым кавідам будзе апублікаваны праз некалькі тыдняў. Прэс-сакратар Міністэрства аховы здароўя Германіі апублікаваў бягучы план краіны па барацьбе з працяглым кавідам, які ўключае лячэнне ў спецыялізаваных клініках, палітыку страхавання і пенсійных выплат для пацыентаў, а таксама спосабы фінансавання даследаванняў.

У большай частцы свету людзям, якія пакутуюць ад працяглых сімптомаў, аказваецца мала дапамогі, кажуць актывісты.

Існуюць прынамсі 90 ініцыятыў па ўсім свеце ў 34 краінах, што падымаюць праблему працяглага кавіду. Большасць з іх патрабуе ад урадаў дадатковых даследаванняў, паляпшэння клінічных метадаў лячэння і пашырэння доступу да дапамогі для людзей з інваліднасцю, іншыя ініцыятывы прапануюць падтрымку і парады.

Новыя даследаванні паказваюць, што сотні мільёнаў людзей, імаверна, пакутуюць ад працяглай хваробы, і некаторыя эксперты папярэджваюць пра патэнцыйна сур'ёзныя доўгатэрміновыя наступствы гэтага захворвання для эканомікі і аховы здароўя, якія ўсё яшчэ дрэнна вывучаныя.

Пацыенты, якія пакутуюць ад доўгатэрміновых сімптомаў, часам не могуць працаваць або выконваць асноўныя паўсядзённыя задачы. Службы праігнаравалі доўгатэрміновыя эфекты ад пандэміі.

— Нас проста пакінулі гнісці, — сказала Шанталь Брыт, заснавальніца і прэзідэнт Long Covid Switzerland. — Таму і з'яўляюцца ўсе гэтыя арганізацыі, бо дзяржаўнай дапамогі няма.

«Што тычыцца нашага ўрада… Я не думаю, што гэта нават абмяркоўваецца», — каментуе Вачука Гічохі, актывіст з Кеніі

Груп падтрымкі ў сацыяльных сетках і ініцыятыў пацыентаў наўрад ці дастаткова, кажуць актывісты. Яны хочуць, каб урады пачалі сур'ёзна ставіцца да рызыкі працяглага кавіду.

У сваю чаргу, урады наракаюць на малую колькасць доказаў аб прычынах хваробы і малую колькасць правераных лекаў. І многія краіны проста не маюць рэсурсаў, каб паспрабаваць справіцца з працяглым кавідам, адначасова змагаючыся з новымі захворваннямі на карону. Не варта забываць і пра іншыя хваробы, такія як сухоты, ВІЧ і малярыя.

Нават краіны з устойлівымі сістэмамі аховы здароўя сутыкаюцца з іншымі крызісамі, такімі, як эканамічныя праблемы, рэгіянальныя войны ці рэкордная спякота.

Некаторыя даследаванні паказваюць, што працяглы кавід можа мець негатыўны ўплыў на 30% інфіцыраваных людзей. Доўгатэрміновыя наступствы віруса могуць пазбавіць шмат людзей працаздольнасці, што можа мець глабальныя эканамічныя наступствы, мяркуюць даследчыкі.

Каментары

Цяпер чытаюць

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Усе навіны →
Усе навіны

«Сыходзіць эпоха навуковага стэндапу». Бесараб пра зняцце з пасады былога кіраўніка Акадэміі навук10

«Раніцай купіў даляры, увечары ўжо не здаць». Ці зменяцца правілы ў абменніках і што банкі робяць з «дрэннай» валютай1

«Страляй у бура». Што паказаў Дональд Трамп прэзідэнту Паўднёвай Афрыкі10

Адна з арганізатарак жаночых маршаў Настасся Касцюгова пачала выкладаць у нідэрландскім універсітэце9

Кая Калас: Сербія павінна зрабіць геапалітычны выбар7

«Храм — гэта і бальніца, і школа!» У Магілёве сабралі сотні подпісаў супраць будаўніцтва царквы ў Пячэрскім лесапарку11

Авіялініі могуць увесці стаячыя месцы ўжо ў 2026 годзе2

«Ішла закрываць бальнічны». Бацька пра памерлую ў бальніцы ў Ельску 14-гадовую дачку5

Беларус з хваробай Альцгеймера прапаў у Варшаве

больш чытаных навін
больш лайканых навін

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Галоўнае
Усе навіны →

Заўвага:

 

 

 

 

Закрыць Паведаміць