50 тысяч беларусаў маюць польскі дазвол на жыхарства. 45 тысяч з іх выехала за апошнія паўтара года
У Польшчы ўжо жыве больш за 50 тысяч беларусаў з дазволам на жыхарства, піша «Еўрарадыё» на падставе паведамлення ўпраўлення па справах іншаземцаў. Гэта першая канкрэтная лічба, якая дазваляе ацаніць маштабы сыходу беларусаў з краіны ў выніку рэпрэсій.
Істотны рост беларускай эміграцыі адбыўся пасля жніўня 2020-га. 90% беларусаў, якія маюць від на жыхарства ў Польшчы, пераехалі ў краіну пасля пачатку 2021 года.
55% з іх складаюць людзі ва ўзросце ад 20 да 39 гадоў. Дзеці і падлеткі да 20 гадоў — 17% эмігрантаў, а людзі, старэйшыя за 40 гадоў, — каля 28%.
Найбольшая частка беларускіх эмігрантаў асела ў Мазавецкім ваяводстве (там размяшчаецца Варшава) — 19 тысяч чалавек. Яшчэ 9 тысяч чалавек пасяліліся ў Падляшскім ваяводстве (Беласток).
Амаль 3 тысячы беларусаў звярнуліся па міжнародную абарону ў Польшчы і атрымалі яе.
Упраўленне па справах іншаземцаў падкрэслівае, што гаворка ідзе менавіта пра беларусаў, якія атрымалі від на жыхарства,а не часовую візу.
Агульную колькасць уцекачоў ад лукашэнкаўскіх рэпрэсій можна будзе падлічыць, калі стануць вядомыя аналагічныя лічбы з Літвы, Грузіі, Украіны ды іншых краін.
Цяпер чытаюць
Крык душы Жыгара пра групу Кавалеўскага: Гучаць заявы, што Лукашэнка легітымны прэзідэнт, хоць і не абраны дэмакратычна43
Каментары