Хочаце ажывіць старое каханне? Хутка для гэтага хопіць некалькіх таблетак
Ваш шлюб на мяжы разводу? Вы не можаце фарміраваць любасці або проста хочаце не злавацца на мужа за чарговыя шкарпэткі на падлозе? Не турбуйцеся — хутка для ўсяго гэтага з’явіцца спецыяльная таблетка.
Эвалюцыйны антраполаг Энн Мэчын з Оксфарда сцвярджае, што ўжо не за гарамі вынаходніцтва спецыяльных «лекаў кахання». Мэчын мяркуе, што такія таблеткі, верагодна, пачнуць ужываць пры псіхатэрапіі пар ужо ў бліжэйшыя 5 гадоў і што гэтая сфера зараз на пярэднім краі «вывучэння кахання». Дэвід Нат, прафесар нейрапсіхафармакалогіі з Імперскага каледжа ў Лондане, кажа, што і ён чакае хутка пабачыць выкарыстанне экстазі ў тэрапіі пар, піша The Times.
Ужо ёсць прыкметы таго, што хімічныя рэчывы здольныя ўратоўваць шлюбы. У гэтым годзе выйшла даследаванне, згодна з якім прыём экстазі дапамагае адчуць сябе бліжэй да мужа ці жонкі. Магчыма, гэта звязана з тым, што экстазі дапамагае выпрацоўваць хімічны сератанін і праз гэта спрыяе эмпатыі.
Але Мэчын ідзе далей і сцвярджае, што экстазі можа дапамагчы пабачыць сітуацыю з пункту гледжання каханага чалавека і не фіксіраваць увагу на шкарпэтках смецці, што ваш партнёр не вынес.
Таксама эксперты лічаць, што на пачатковых стадыях закаханасці і ў збліжэнні з патэнцыйнымі партнёрамі дапамагае аксітацын. Энн Мэчын лічыць, што на працягу дзесяці гадоў «людзі пачнуць пырскаць аксітацын у нос, перш чым выйсці на вуліцу ў суботу ўвечары».
На больш позніх стадыях адносінаў уключаюцца і іншыя рэчывы, напрыклад, дафамін, а таксама бета-эндарфін, які фактычна з’яўляецца апіоідам. Мэчын тлумачыць, што ён падобны да гераіну, але пры гэтым выпрацоўваецца самім арганізмам. Гэтае рэчыва можа падтрымліваць адносіны ў доўгатэрміновай перспектыве, бо, як і гераін, яно выклікае прывыканне. Таму, калі чалавека кідаюць, ён адчувае сябе жудасна, бо ў яго перапыняецца крыніца апіятаў.
Але ж навошта наша цела выкарыстоўвае ўсе гэтыя рэчывы, каб прымусіць нас застацца з канкрэтным партнёрам? З пункту гледжання эвалюцыі, адказ у тым, што патрэбны быў спосаб, які б дапамог мужчынам і жанчынам дамаўляцца і супрацоўнічаць паміж сабой, каб выконваць важнейшую задачу — выхоўваць дзіця. Таму і з’явілася каханне, якое на хімічным узроўні з’яўляецца біялагічным хабарам.
Каментары