У Літве замарозілі актывы трох юрыдычных і адной фізічнай асобы, якія звязаны з беларускім бізнэсменам Аляксандрам Шакуціным.
Пра гэта паведамляе Служба расследавання фінансавых злачынстваў (FNTT) Літвы, піша Zerkalo.io.
Агульная сума замарожаных актываў, звязаных з Беларуссю, склала больш за 45,7 тыс. еўра. Пры гэтым не сказана, пра якіх юрыдычных і фізічных асоб ідзе гаворка.
Блакаванне актываў звязанае з фінансавымі санкцыямі Еўрапейскага саюза ў дачыненні да Беларусі і Расіі. «Санкцыі ўведзеныя за сувязі з бізнэсменам Аляксандрам Шакуціным», гаворыцца ў паведамленні ведамства.
Нагадаем, Аляксандр Шакуцін — старшыня рады дырэктараў ААТ «Амкадор» і ўладальнік кантрольнага пакета акцый, уладальнік холдынга «Салеа». Таксама ў яго ёсць актывы ў гандлі нафтапрадуктамі (ТАА «Інтэрсэрвіс», «Эксімойл»), кветкамі («Логекс») і іншых сферах.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары