У песні гучыць вакал украінскага музыкі Андрэя Хлыўнюка, вакаліста і аўтара тэкстаў гурта «Бумбокс».
У ноч на 8 красавіка песня Hey Hey Rise Up з'явіцца ў стрымінгавых сэрвісах.
Выручку ад продажу песні накіруюць у фонд гуманітарнай дапамогі Украіне.
Гітарыст гурта Дэйвід Гілмар у інтэрв'ю газеце The Guardian расказаў, што на запіс новай песні яго натхніў украінскі рок-музыка Андрэй Хлыўнюк, з якім Гілмар выступаў у 2015 годзе ў Лондане. Хлыўнюк, які цяпер ваюе супраць расійскіх акупантаў ва Украіне, нядаўна змясціў у Інстаграме відэа са сваім выкананнем украінскай песні «Ой, у лузі червона калина».
«Я падумаў: гэта цудоўна, і, магчыма, я змагу з гэтым нешта зрабіць», — сказаў Гілмар The Guardian. — Гэта сапраўды цяжка і непрыемна бачыць гэты надзвычай вар’яцкі, несправядлівы напад буйной дзяржавы на незалежную, мірную, дэмакратычную нацыю. Фрустрацыя ад таго, што ты бачыш гэта і думаеш «што я, чорт бяры, магу зрабіць?», невыносная».
Так і паўстаў новы сінгл гурта Hey Hey, Rise Up!, які выкарыстоўвае запіс Хлыўнюка.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары