У дэпутата парламента спыталі, ці падтрымлівае ён вайну ва Украіне. Вось што той адказаў
Дэпутату Палаты прадстаўнікоў Уладзіміру Сіняку даслалі зварот з пытаннямі, ці падтрымлівае ён развязванне вайны ва Украіне і як гатовы паўплываць на яе найхутчэйшае заканчэнне.
Вось які адказ ад яго прыйшоў.
«Упэўнены, што любыя супярэчнасці павінны вырашацца мірным цывілізаваным шляхам. І ў гэтым выпадку патрэбны дыялог. Таму і прэзідэнт Рэспублікі Беларусь А.Г. Лукашэнка, і Міністэрства замежных спраў Рэспублікі Беларусь, і парламентарыі робяць усё магчымае, каб спыніць ваенны канфлікт паміж дзвюма вельмі блізкімі па сваім менталітэце краінамі», — напісаў дэпутат.
Уладзімір Сіняк родам з Дзятлаўскага раёна. Выпускнік сельгасакадэміі, атрымаў спецыяльнасць «інжынер-механік». Працаваць пачынаў у калгасе «Іскра». Пасля ўзначальваў прадпрыемства «Дзятлаўская сельгастэхніка», быў дырэктарам райгаза.
Летась Уладзімір Сіняк выказваў меркаванне наконт таго, чаму неабходны Год народнага адзінства.
«Я не разумею тых людзей, якія просяць у Захаду санкцый, якія прынясуць шкоду іх жа суайчыннікам. Я не ведаю, як з імі можна прымірыцца, але нешта рабіць трэба. Ёсць і такія людзі, якія быццам заблукалі і не ведаюць, куды ім рухацца. Яны таксама павінны задумацца, азірнуцца назад», — разважаў дэпутат у раённай прэсе.
Чытайце таксама:
«Сітуацыя на мяжы панікі». Бізнэс у трансе, бо ні з Расіяй, ні з Еўропай працаваць становіцца немагчыма
Украінскі сайт палічыў лукашэнкаўскі канал АНТ расійскім. Бо адрозніць сапраўды складана
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары