Лаўроў паведаміў, што перамовы з Мінскам аб лёсе карпункта «Камсамольскай праўды» патрабавалі цішыні
Расійскае МЗС вяло перамовы з кіраўніцтвам Беларусі ў сувязі з закрыццём мясцовага карпункта расійскай «Камсамольскай праўды», сітуацыя «патрабавала цішыні», і ў выніку Мінск цяпер згодны на адкрыццё любых карпунктаў, у якіх бы працавалі толькі расіяне, заявіў кіраўнік МЗС Сяргей Лаўроў.
Падчас інтэрв'ю міністра Лаўрова чатыром радыёстанцыям яго спыталі, чаму МЗС маўчыць і не заступаецца за расійскіх журналістаў у сітуацыі з арыштам у Мінску карэспандэнта «Камсамольскай праўды ў Беларусі» Генадзя Мажэйкі, які працаваў у тым ліку ў Маскве, а таксама з вымушаным закрыццём карпункта «КП» у Беларусі, піша «Інтэрфакс».
Па яго словах, МЗС выказвала заклапочанасць у сувязі з закрыццём карпункту «КП у Беларусі». Аднак ён падкрэсліў, што ў гэтай сітуацыі гаворка ідзе пра грамадзян Беларусі, а «гэта трошкі іншая гісторыя», бо любая краіна ў дачыненні да сваіх грамадзян кіруецца ўласнымі законамі.
***
Вечарам 28 верасня на сайце kp.by быў апублікаваны артыкул беларускага журналіста Генадзя Мажэйкі з успамінамі былой аднакласніцы пра айцішніка Андрэя Зельцэра, які застрэліў супрацоўніка КДБ Дзмітрыя Федасюка ў сваёй кватэры на вуліцы Якубоўскага ў Мінску.
Раніцай наступнага дня сайт «Камсамолкі» ў Беларусі быў заблакаваны паводле рашэння Мінінфарма.
Генадзь Мажэйка быў затрыманы 1 кастрычніка паводле ч. 3 арт. 130 (Распальванне расавай, нацыянальнай або рэлігійнай варожасці) і арт. 369 (Абраза прадстаўніка ўлады). Яму пагражае да 12 гадоў зняволення. 5 кастрычніка было прынятае рашэнне пра закрыццё беларускага офіса «Камсамолкі».
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары