Łaŭroŭ paviedamiŭ, što pieramovy ź Minskam ab losie karpunkta «Kamsamolskaj praŭdy» patrabavali cišyni
Rasijskaje MZS viało pieramovy z kiraŭnictvam Biełarusi ŭ suviazi z zakryćciom miascovaha karpunkta rasijskaj «Kamsamolskaj praŭdy», situacyja «patrabavała cišyni», i ŭ vyniku Minsk ciapier zhodny na adkryćcio lubych karpunktaŭ, u jakich by pracavali tolki rasijanie, zajaviŭ kiraŭnik MZS Siarhiej Łaŭroŭ.
Padčas intervju ministra Łaŭrova čatyrom radyjostancyjam jaho spytali, čamu MZS maŭčyć i nie zastupajecca za rasijskich žurnalistaŭ u situacyi z aryštam u Minsku karespandenta «Kamsamolskaj praŭdy ŭ Biełarusi» Hienadzia Mažejki, jaki pracavaŭ u tym liku ŭ Maskvie, a taksama z vymušanym zakryćciom karpunkta «KP» u Biełarusi, piša «Interfaks».
Pa jaho słovach, MZS vykazvała zakłapočanaść u suviazi z zakryćciom karpunktu «KP u Biełarusi». Adnak jon padkreśliŭ, što ŭ hetaj situacyi havorka idzie pra hramadzian Biełarusi, a «heta troški inšaja historyja», bo lubaja kraina ŭ dačynieńni da svaich hramadzian kirujecca ŭłasnymi zakonami.
***
Viečaram 28 vieraśnia na sajcie kp.by byŭ apublikavany artykuł biełaruskaha žurnalista Hienadzia Mažejki z uspaminami byłoj adnakłaśnicy pra ajcišnika Andreja Zielcera, jaki zastreliŭ supracoŭnika KDB Dźmitryja Fiedasiuka ŭ svajoj kvatery na vulicy Jakuboŭskaha ŭ Minsku.
Ranicaj nastupnaha dnia sajt «Kamsamołki» ŭ Biełarusi byŭ zabłakavany pavodle rašeńnia Mininfarma.
Hienadź Mažejka byŭ zatrymany 1 kastryčnika pavodle č. 3 art. 130 (Raspalvańnie rasavaj, nacyjanalnaj abo relihijnaj varožaści) i art. 369 (Abraza pradstaŭnika ŭłady). Jamu pahražaje da 12 hadoŭ źniavoleńnia. 5 kastryčnika było pryniataje rašeńnie pra zakryćcio biełaruskaha ofisa «Kamsamołki».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary